Hilmar Þor

kúrt í pabbafangi;-)

2009-10-27T15:16:00.000Z

Áslaug Anna

2009-10-27T15:15:00.000Z

Sandra Sif, Áslaug Anna og Arndís Inga

2009-10-27T15:13:00.000Z

Ein mynd af börnunum :-)

2009-10-27T15:10:00.000Z

Kominn tími á blogg??

2009-10-25T10:01:00.002Z

Komið þið sæl og blessuð og váááá hvað er langt síðan ég skrifaði eitthvað hér inn. Ég er nýbúin að kíkja bloggrúntinn minn og finnst ansi margir vera farnir að slaka á og finnst það miður....var svo hugsað til míns eigins bloggs og mundi allt í einu að ég væri nú ekki beinlínis að standa mig og uppgötvaði að ég gæti ekki verið ósátt við frammistöðu annarra á meðan mitt eigið blogg lægi í dvala!.....þannig að nú lofa ég bót og betrun, spurning hvað verður úr því;0)
Jæja hvar skal maður byrja?
Áslaug Anna var skírð 26. september ásamt Gyðu Dröfn frænku sinni. Héldum við veisluna í Ýdölum og það var mjög þægilegt. Garðar lánaði okkur hoppukastala sem við blésum upp í íþróttasalnum og léku börnin sér þar á meðan fullorðna fólkið slakaði á í kaffistofunni. Bara snilld!
Við skelltum okkur suður í byrjun október og dvöldum þar í eina tíu daga. Við stoppuðum fyrstu tvo dagana á Skaganum. Ég og Áslaug Anna gistum hjá Elsu Láru vinkonu og það var þvílíkt ljúft, alltaf gaman að hitta hana og spjalla. Árni Pétur, Hilmar Þór og Arndís Inga gistu hins vegar hjá Hemma og Eddu og lentum við í þvílíkri afmælisveislu hjá Andreu Ósk. Í Reykjavík gistum við hjá Báru, Samma og Söndru Sif og var það þvílíkt ljúft. Við þökkum bara kærlega fyrir okkur.
Um síðustu helgi skelltum við okkur svo í Vopnafjörðinn með Grímshúsa- og Fagranesfjölskyldunum og áttum við yndislega daga þar. Þar hittum við að sjálfsögðu Steina, Ellu, Sindra og Frey og áttum með þeim góðar stundir.
Núna langar mig mest að skella mér á Hornafjörð og ætla ég að skoða það einhvern tímann í nóvember;-)
Það má því segja að það sé búið að vera nóg að gera hjá okkur í fæðingarorlofinu því fyrir utan þessi ferðalög er nóg að gera í hinum ýmsustu klúbbum því ég er í fjórum slíkum; mömmuklúbb, tveimur saumaklúbbum og matarklúbb....þannig að maður hefur nóg fyrir stafni í sveitinni;-)
Árni Pétur er réð sig í afleysingar í Hafralækjarskóla í vetur og er byrjaður þar. Honum líst vel á sig og finnst okkur ágætt að losna við aksturinn í einn vetur.
Jæja nú held ég að ég sé að verða búin að segja frá því helsta sem á daga okkar hefur drifið undanfarnar vikurnar. Hafið það gott;0)
kv. Helga Sigurbjörg

Staðan

2009-08-23T21:21:00.002Z

Komið þið sæl. Nú er litla daman orðin rúmlega 2 vikna og allir að verða búnir að ná áttum og aðlagast nýja lífinu. Arndís Inga sýndi smá takta fyrstu dagana en er öll að koma til og Hilmar Þór virðist ekki kippa sér mikið upp við þessar breytingar.
Leikskólinn er byrjaður aftur okkur öllum til mikillar gleði. Blessuð börnin voru vægast sagt orðin hundleið á öllu hér heima og því dauðfegin að fá að hitta krakka og leika sér. Ekki skemmir svo fyrir að Ása amma er byrjuð að vinna á leikskólanum;0)
Við fórum með litlu rúsínuna (eins og Hilmar kallar hana) í sinn fyrsta göngutúr í vagninum í gær. Henni leið ósköp vel og steinsvaf allan tímann. Að sjálfsögðu fékk Arndís Inga líka að viðra litla barnið sitt í vagninum hennar en Hilmar Þór hjólaði á undan okkur. Nú vonum við bara að veðrið leiki við okkur næstu vikur svo við getum gert meira af þessu:0)
Jæja nú er ég að spá í að fara að skríða í bælið þar sem litla daman er nýsofnuð. Hafið það gott.
kv. Helga

Daman viku gömul í dag:)

2009-08-14T18:03:00.003Z

Takk elskurnar fyrir góðar kveðjur. Við erum hjartanlega sammála ykkur, hún er æði eins og stóru systkinin sín;) Okkur sýnist hún heldur líkari bróður sínum frá því hann var nýfæddur....sumir halda því þó fram að eldri systkinin séu dálítið lík þannig að ætli að það megi ekki segja að hún sé lík þeim báðum;)
Annars gengur allt vel hjá okkur. Litla daman var í vigtun og er orðin 3750 grömm þannig að ég ætla að mjólka vel líkt og með hin börnin. Arndís Inga sýnir nú smá merki um afbrýðisemi, lætur það nú samt aðallega bitna á Ingu ömmu sinni en við vonum að það lagist. Hilmar Þór sýnir hins vegar engin merki um afbrýðisemi enn....krúttið litla bauðst meiri að segja til að fara úr mömmu og pabba rúmi þegar ég ætlaði að troða mér upp í með litlu sytur!
Við erum farin að bíða eftir að leikskólinn opni. Börnin eru orðin frekar leið á öllu hér heima við og ég held að allir verði fegnir að komast í rútínuna sína og hitta börnin á leikskólanum.
Jæja nú ætla ég að fara að ganga frá eftir kvöldmatinn. Læt þetta duga í bili. Enn og aftur takk fyrir öll fallegu kommentin ykkar;)
kv. Helga þriggja barna móðir:0)

Myndir af Ónefndri Árnadóttur

2009-08-11T14:00:00.005Z

Borgarferð

2009-07-11T22:10:00.002Z

Vegna fjölda áskorana hef ég ákveðið að henda inn nokkrum línum á þessa blessaða síðu;)
Nú er ég stödd í borginni, nánar tiltekið í Sveighúsum hjá Báru systur og familíu. Yfirlýst markmið ferðarinnar var að endurheimta Hilmar Þór sem var búinn að eyða viku í faðmi ömmu og afa sem voru svo góð að bjóða honum á fótboltanámskeið í borginni. Hann stóð sig þvílíkt vel þessi elska og svei mér þá ef hann hefur ekki elst um nokkur ár við þetta!
Við Arndís Inga komum sem sagt í borgina á mánudaginn eftir stutt stopp á Skaganum. Ferðalagið gekk mjög vel, Arndís Inga horfði á DVD- spilarann alveg þar til eitthvað ,,ljótt" gerðist og hún vildi ekki horfa meir, þá tók við endurtekin hlustun á Mamma Mia þar til daman gafst upp og sofnaði;) Ég verð nú að segja að ég var alveg að verða búin að fá nóg af þessu lagi og vona að hún taki ástfóstri við einhverju öðru lagi á leiðinni heim:)
Á þriðjudaginn kíkti Elsa Lára í heimsókn til okkar systra og við skelltum okkur á Ítalíu að borða. Þar áttum við ósköp notalega stund saman, spjölluðum og borðuðum góðan mat. Að matnum loknum skelltum við okkur aðeins í Hagkaup og ég náði að versla smá sængjur- og afmælisgjafir á útsölunni þar;)
Á miðvikudaginn skelltum við systurnar okkur með börnin í sumarbústað rétt við Hellu. Það var mjög fínt og að mestu leyti afslappandi (svona eins og það getur verið með þrjá skæruliða:)...þar tókst litlu frænku minni að fá okkur til að hlæja svolítið þar sem henni tókst að verða sér út um varasalvadós og klína gjörsamlega í allt andlitið og hárið á sér. Móðirin lá að vísu við hliðina á henni og las og datt ekkert annað í hug en að litla prinsessan hennar væri steinsofnuð þar sem það heyrðist ekki múkk í henni....þetta var bara snilld og grenjuðum við úr hlátri þegar við sáum hvað hún hafði gert;)
Á fimmtudeginum kíktu Ingunn og Rannveig Harpa til okkar. Það var voða gaman að fá þær og var Rannveig Harpa dugleg að leika við börnin:)
Amman og afinn buðu svo Hilmari Þór og Arndísi Ingu með sér í útilegu í dag (laugardag) og ég hef því bara legið með tærnar upp í loft að mestu, byrjaði á því að sofa í rúma klukkustund eftir að þau fóru en skellti mér svo á Krepputorg að versla gjafir, já nú skal sko sparað í kreppunni og verslað á útsölum! Í kvöld skellti ég mér svo með Björk vinkonu á Ask að borða og er ég nú nýkomin aftur heim í Sveighús og er að hugsa um að fara að halla mér....
Ég stefni svo á Norðurlandið á mánudag eða þriðjudag!
Já þar hafið þið það, þvílíkur og annar eins dugnaður! Nú verður örugglega MJÖG langt í að ég nenni að blogga aftur, þannig að bara NJÓTIÐ VEL:)
Eigið gott sumarfrí elskurnar;)
kv. Helga ofurbloggari

Hlustað á litla bróðir/systur

2009-05-17T19:11:00.000Z

Foreldarsýning í leikskólanum

2009-05-16T23:43:00.000Z

Nú er mín sko heldur betur að standa sig! Farin að henda inn myndum og alles;)
Þessar myndir voru teknar á miðvikudaginn þegar Foreldrakaffið var í leikskólanum. Þar sungu börnin, dönsuðu og sýndu leikrit. Þetta var náttúrulega bara frábær upplifun, móðurhjartað sló hratt og gæsahúðin lét á sér kræla;)
Núna vorum við að koma heim úr Júróvisionpartýi í Laxárvirkjun og maður getur nú ekki annað en verið sáttur við kvöldið, borðuðum yfir okkur af góðum mat í góðum félagsskap og horfðum á Jóhönnu ,,okkar" lenda í öðru sæti;) Já nú er maður sko stoltur Íslendingur!
Jæja ætli að ég láti þetta ekki duga í bili og fari að sofa í hausinn á mér....þar til næst TJÁ!

Lífið í sveitinni

2009-05-09T15:32:00.002Z

Komið þið sæl. Ætli að maður verði nú ekki að hysja upp um sig brækurnar, bretta upp ermarnar og reyna að henda inn einhverjum fréttum á þessa blessaða síðu????
Hvar skal byrja?
Ætli að það sé ekki við hæfi að byrja á veðrinu. Hér í Aðaldal er sem sagt allt hvítt eftir leiðindaveður í gær! Ég verð nú að viðurkenna það að ég var ekki par hrifin af þessu.....mér hlýnaði mjög um hjartarætur í morgun þegar ég kíkti í Fréttablaðið sem Marinó var svo elskulegur að skilja eftir við útidyrnar í morgun þar sem stóð að spáð væri 20 stiga hita á Norðausturlandi í vikunni....þannig að nú bíð ég bara spennt með bíkiníið klárt og alles;)
Annars er nóg að gera í blessaðri vinnunni. Farið að styttast allsvakalega þar til sumarfríið skellur á og þar af leiðandi margt að gera við námsmat og annað sem tilheyrir skólaslitum.
Við stefnum á Akureyrarferð á morgun. Ása tengdó er að útskrifast úr Myndlistaskólanum og ætlum við að fara og kíkja á útskriftarsýninguna....svo er ég víst búin að lofa börnunum að kíkja í bíó þannig að ég verð víst að standa við það líka;) Annað kvöld ætlum við svo að elda fyrir hana og systkini hennar hér í Nesi svona í tilefni útskrifarinnar:)
Já hvað ætli að ég geti blaðrað meira.....Arndís er fullviss um að ég sé með stelpu í maganum og þegar ég spurði hana af hverju svaraði hún með hneykslisróm: ,,Sko mömmur fæða stelpur en pabbar fæða stráka"....þar hafið þið það! Spurnig hvort það leynist bara einn lítill drengur í ístrunni á Árna Pétri:)
Jæja held að ég sé alveg orðin þurrausin núna. Verið nú endilega svo væn og kvittið út í rauðan dauðann því það er svo skemmtilegt (og örugglega hvetjandi til frekari skrifa)
Hafið það gott í snjónum....og sólinni!
kv. Helga sumarsjúka

Mynd fyrir góðu og kurteisu Ester:)

2009-04-21T22:06:00.000Z

Börnin góðu með Ólöfu Auði vinkonu sinni. Myndin er tekin í fermingarveislu á Höfn í páskafríinu:)

Páskafrí

2009-04-13T15:39:00.002Z

Komið þið sæl. Auðvitað stend ég við stóru orðin og hendi inn færslu þar sem kommentunum rignir yfir okkur;)
Nú er páskafríið senn á enda og hversdagleikinn tekur við. Þetta er búið að vera yndislegt frí. Eyddum því að mestu á Höfn í góðu yfirlæti hjá Imbu og Nonna, TAKK FYRIR OKKUR!
Það var rosa gaman að hitta kunningjana þar, Imba skellti meiri að segja á saumaklúbb og náði ég að hitta ansi margar skvísur þar á einu bretti;) nú bíð ég bara eftir sumarfríinu þannig að ég geti skellt mér aftur í heimsókn (Já Nonni minn þú losnar ekki við okkur:)
Nú stefni ég næst á flakk í kringum sumardaginn fyrsta, ætla þá að skella mér í borgina í eina fermingarveislu;) ....svo er bara að bíða og sjá hvort maður verði í ferðastuði þegar að því kemur;)
Jæja nú er ég sko alveg búin að standa mig gríðarlega vel og ætla að láta þetta nægja í bili. Svo hendum við örugglega inn myndum bráðlega;)
kv. Helga

Ein mynd af börnunum

2009-02-20T23:19:00.000Z

Við erum enn á lífi, en voða léleg í að henda einhverju hér inn. Þessi mynd var tekin af góðu börnunum í dag. Við erum endalaust heppin að eiga þessi yndislegu börn:)
Læt þetta duga í bili. Hafið það gott um helgina.
kv. Helga

Hilmar Þór 5 ára

2009-02-02T00:09:00.000Z

Jæja nú er hann Hilmar okkar orðin 5. ára ótrúlegt hvað tíminn er fljótur að líða
bestu kveðjur úr sveitinni
Pesi og co

Blásið á kertin

Amma að setja á vídó

Verið að "lækna Arndísi"

Gengið í Hilmars herbergi

Pesi eignast stúdíóljós

2009-01-10T19:01:00.001Z

Jæja lesendur góðir skilst hjá konu minni að þetta sé met þar sem þetta er önnur færslan í dag.
sannkallað kraftaverk þar sem yfirleitt líða mánuðir á milli!
anýway ég var að eignast stúdíóljós og mig langaði til að deila með ykkur afrakstrinum af fyrstu töku

mbk
pesi og co

Gleðilegt ár!

2009-01-10T15:41:00.005Z

Gleðilegt ár og takk kærlega fyrir það gamla. Nú erum við komin aftur á Norðurlandið og byrjuð að vinna. Jólin voru mjög góð, slökun og meiri slökun. Svo skelltum við okkur í borgina yfir áramótin. Það var voða ljúft, svona fyrir utan ælupestina sem bróðurpartur fjölskyldunnar náði sér í. Gamlárskvöld var mjög skrýtið. Hilmar Þór hafði gist hjá ömmu sinni og afa og við ætluðum svo að skella okkur þangað í kvöldmat og eyða áramótunum með þeim. Þegar við vorum nýlögð af stað ældi Arndís Inga í bílinn og við snérum við. Niðurstaðan varð því sú að ég og Arndís Inga eyddum áramótunum með Báru og tengdafjölskyldu hennar en Árni Pétur og Hilmar Þór skelltu sér á Hlíðarveginn og eyddu áramótunum með mömmu og pabba:) Laust eftir miðnætti, þegar Árni Pétur var á leið yfir til okkar, hringdi mamma og sagði að Hilmar Þór væri byrjaður að æla.....við skelltum okkur því yfir og sóttum hann.....já þetta voru semsagt ,,stuðáramót".
Ég náði mér svo í pestina 2. janúar og vá hvað ég var búin að gleyma hve ógeðsleg ælupest er! Nú held ég bara í vonina að það líði a.m.k. 15 ár þar til ég fæ hana næst!
Nú er annars snjókoma og kuldi hér á Norðurlandinu. Nú er búin að fenna svo fyrir gluggana hjá okkur að ég sé ekki út um einn einasta glugga. Það er því bara ljúft að það sé laugardagur og engin þörf á því að fara út.
Annars stefnum við nú á að skella okkur í matarklúbb í Grímshús í kvöld. Það verður án efa ljúft, að borða góðan mat í góðum félagsskap getur ekki klikkað.
Ég hlakka óskaplega til næstu helgar því þá ætlum við Elsa Lára og Jóhanna Más. að skella okkur á Akureyri:) Erum búnar að panta okkur Kennaraíbúð og ætlum að hafa það gott, spjalla, borða og kannski að versla smá:) Æi það verður ljúft!
Jæja ætli að ég láti þetta ekki duga í dag.....aldrei að vita hvenær ég manna mig upp í að henda einhverju hér inn næst:)
kv. Helga

Nokkrar myndir fyrir þá sem eru fjær

2008-12-24T13:22:00.001Z

Fjölskyldan fallega

Jólabörnin góðu

Enginn er jólasnjórinn en við fáum bara glitský í staðin (myndir teknar 24. des)

Bestu kveðjur og gleðileg jól
Fjölskyldan Nesi

nokkarar myndir

2008-11-30T11:00:00.003Z

Jæja Góðir Lesendur!
Helga er farin á fésbókina og orðin of fínt fólk til að skrifa hérna inn;)
Þannig að nokkarar myndir frá Pésa

Hilmar og Tröllið

góðu börnin að leik

Jólatréið í garðinum

Nesið góða

duglegu börnin að hjálpa við kvöldmatinn

Arndís sætabaun

Komin með fésbók:)

2008-11-16T21:35:00.002Z

Já þið lásuð rétt, mín er sko komin með fésbók! Ég er að vísu ekki alveg orðin ,,sjóuð" í henni strax en þetta fer allt að koma. Ég náði að henda inn nokkrum myndum. Allt að gerast!
Að öðru leyti er lítið að frétta af okkur. Enn ein helgin að klárast og jólin nálgast:)
Við Hilmar Þór skelltum okkur á árshátíð Hafralækjarskóla á föstudagskvöldið og það var hin besta skemmtun. Æi mér finnst svo skrýtið hvað hann er allt í einu orðinn stór, getur farið á kvöldskemmtanir og allt! Ég held að það sé gott fyrir hann að fá stundum að hafa mömmu sína út af fyrir sig;)
Ég var næstum því skotin í dag....já þið lásuð rétt. Haldið þið ekki að ég hafi verið að dóla mér í sakleysi mínu með börnin á leiðinni í sunnudagaskóla upp á Grenjaðarstað þegar bíll sem var á undan mér stoppaði á miðjum veginum. Allt í lagi með það en þegar ég ætlaði að taka fram úr honum rak hann haglabyssu út um rúðuna! Ég lagðist að sjálfsögðu á flautuna og sendi bílstjóranum illt augnaráð og þá brosti hann bara til mín. Já svona er Ísland í dag.
Jæja ætli að ég hendi mér ekki bælið og klári að lesa Mávahlátur fyrir svefninn.
Hafið það gott og nú vil ég að allir kommenti, nú nema þið séuð öll hætt að kíkja á bloggsíður og búin að snúa ykkur að fésbókinni:)
kv. Helga

Helgin og Ísland í dag

2008-11-09T22:02:00.003Z

Komið þið sæl. Nú er enn ein helgin að baki og svei mér þá ef jólin verða ekki bara skollin á áður en maður veit af:)
Það hefur verið gestkvæmt hjá okkur um helgina. Hemmi, Edda, Andrea Ósk, Alexandra Ósk og Sigurgeir (bróðir Eddu) hafa verið hjá okkur og það er búið að vera mikið fjör. Börnin eru búin að leika sér þvílíkt og föðmuðust og kysstust þegar þau kvöddu hvert annað í kvöld og Hilmar grét og sagði að hann vildi að þau gætu verið hér í þúsund daga!
Annars er lítið að frétta af okkur. Allt við það sama. Ég er farin að hlakka til jólanna og miðað við umfjöllunina í þjóðfélaginu í dag held ég bara að það sé um að gera að fara að huga að jólunum því það eykur gleðina og minnkar þunglyndið sem hrjáir flesta þessa dagana. Ég ætla nú samt aðeins að reyna að sitja á mér með rauðu seríurnar....en ég veit ekki hvenær ég gefst upp og skelli þeim í samband:)
Ég vil gera það að tillögu minni að litla Ísland skeri niður sendiráðin sem eru á víð og dreif í heiminum. Hvað á það að þýða að lítil þjóð eins og Ísland (sem notabene er álíka margmenn og úthverfi í einhverri stórborginni út í heimi) þurfi að hafa 17 sendiráð um allan heim????? Einnig held ég að fækka megi þingmönnum um svona u.þ.b. helming og spara heilan helling. Þeir gera hvort eð er ekki neitt! Svo finnst mér fáránlegt að þeir sem komu okkur í þessa bölvanlegu stöðu séu að fara yfir stöðu mála því þeir draga bara lappirnar og forðast eins og heitan eldinn að viðurkenna mistök sín. Við þurfum að fá erlenda aðila, sem alls engra hagsmuna hafa að gæta hér á klakanum, til að fara yfir stöðuna og fletta ofan af allri spillingunni sem átt hefur sér stað!
Ætli að ég láti þetta ekki vera lokaorðin í kvöld...þori ekki að skrifa meira þar sem ég verð bara enn upptjúnaðri en núna sem leiðir til þess að ég næ ekki að sofna fyrr en undir morgun!
Góða nótt og góða vinnuviku (þeir sem enn hafa vinnu)
kv. Helga

Æi ég veit ekki hvaða fyrirsögn ég á að velja

2008-10-25T21:16:00.002Z

Komið þið öll sæl og blessuð. Nú er ferðalaginu til Köben lokið og við öll komin heim í heiðardalinn. Ferðin var mjög skemmtileg, svona fyrir utan verðlagið sem var náttúrulega alveg út úr kú:) Gosglas á veitingastað kostaði 960 krónur svo dæmi sé tekið og gátum við ekki annað en hlegið að þessu öllu saman. Núna finnst okkur allt svo ódýrt hér heima að við eyðum eins og vitleysingar:) Keypti t.d. tveggja lítra pepsi á 99 krónur í Kaskó í gær.....fannst það svo ódýrt að ég keypti þrjár flöskur (ég sem ætlaði að fara að slaka aðeins á í gosdrykkjunni en þetta er svo asskoti ódýr drykkur að ég neyðist til að hafa hann á boðstólnum daglega í kreppunni).
Annars hefur verið frekar leiðinlegt veður hér um helgina og vonandi er þetta ekki það sem koma skal í vetur! Við fórum út með börnin á sleða í gær og klofuðum skafla upp fyrir hné sums staðar, þetta finnst mér nú barasta ekkert sniðugt í október!
Börnin eru hress og kát þessa dagana, stundum svona fullhress og hávaðasöm að okkar mati:) Arndís Inga hætti á pensillininu í gær og nú fylgjumst við vel með henni. Hún var með 9 kommur í kvöld og vonum við að það hækki ekki næstu daga því þá verðum við að fara með hana inneftir. Ef allt gengur að óskum fer hún vonandi í sína síðustu skoðun á miðvikudaginn. Svo vonum við bara að þessar blessaðar sýkingar fari að láta hana í friði hér eftir!
Annars er myrkrið alveg að fara með mig þessa dagana og get ég ekki beðið eftir því að fara að setja upp jólaljósin til að lýsa upp skammdegið. Ég er búin að ákveða að setja upp glæru jólaseríuhringina 1. nóvember og þær rauðu 1. desember...þannig að nú kveiki ég bara á kertum og tel niður:)
Jæja ætli að ég fari ekki að glápa á imbann í myrkrinu. Hafið það gott og munið að hugsa um það sem skiptir mestu máli í lífinu;)
kv. Helga Sigurbjörg

Einelti er böl!

2008-10-12T23:16:00.004Z

Á bloggrúnti mínum í kvöld rakst ég inn á síðu Hugos Þórissonar (www.hugo.is) þar sem einhver þolandi eineltis skrifar sögu sína. Ég hvet ykkur öll til að kíkja á þetta því sagan hreyfir svo sannarlega við manni og minnir okkur enn og aftur á hve hræðilegar afleiðingar einelti getur haft í för með sér. Ég held að ég ljúgi engu þegar ég segi að það sem veldur mér hvað mestu hugarangri í kennslunni er að vera viss um að enginn af mínum nemendum þurfi að ganga í gegnum það helvíti sem þessi einstaklingur hefur þurft að ganga í gegnum. Ég fer reglulega yfir eineltishringinn með börnunum, útskýri hvað einelti er, hvet þau til að láta vita ef þau lenda í eða verði vitni að einelti og tek dæmi úr eigin skólagöngu til að fræða þau og reyna að fyrirbyggja að þau lendi í einelti. Ég verð þó að viðurkenna það að stundum fyllist ég vonleysi í þessum efnum og finnst þetta ,,babl" í mér ekki skila neinu.
Annað sem ég hugsa líka um er hvað ég myndi gera ef barnið mitt yrði lagt í einelti einhvern tímann. Ég held að það sé ekkert verra til í lífinu en að horfa á barnið sitt verða félaglega einangrað og eiga enga vini. Ég held að flestir foreldrar séu sammála um það að flestir námserfiðleikar séu léttvægir í samanburði við félagslega útskúfun. Því spyr ég mig hvort við eigum að leggja ríkari áherslu á lífsleiknikennslu, náungakærleikann og spjall við börnin á kostnað hinna hefðbundnu námsgreina? Hvað finnst ykkur? Einhvern veginn finnst mér ég ekki hafa þann tíma sem ég kysi í svona umræður því námsefnið sem fara á í gegnum er oft að drekkja mér.
Það hefur mikil umræða um einelti átt sér stað í samfélaginu undanfarið og ég held að hún sé af hinu góða. Skólasamfélagið verður að nýta sér alla þá þætti sem þar koma fram til að öðlast meiri þekkingu á þessu sviði og ég væri sko alveg til í að fá aðeins yfirhalningu á þessu sviði. Ég ætla samt að hughreysta sjálfa mig með því að segja að ég tel mig sem kennara vera að reyna að gera eins vel og ég get í þessum efnum. En batnandi mönnum er best að lifa og ég held að ég gæti alveg bætt mig á þessu sviði.
Þetta helv... einelti er alltaf svo falið og tilhugsunin um að ég sé svo ,,blind" að sjá ekki einelti sem er í gangi í bekknum mínum veldur mér miklum áhyggjum.
Hana nú, nú hætti ég þessum pælingum og ætla að fara að sofa í hausinn á mér.
kv. Helga

Börnin fögru

2008-10-11T13:32:00.000Z

Hitt og þetta....aðallega hitt

2008-10-08T17:17:00.002Z

Jæja ætli að ég verði ekki að henda inn smá bloggi svo þið hættið að kommenta á myndirnar frá Árna Pétri;) Nei ég segi nú bara svona.
Arndís Inga er hress og kát. Haltrar aðeins en er alveg að verða góð (það höldum við alla vega). Ég fer með hana í skoðun á föstudaginn og þá sjáum við hvað gerist. Alla vega er á meðan er;)
Við höfum skipst á að vera heima með hana þessa viku og svo var Ingibjörg svo góð að bjóða henni að vera fram að hádegi í morgun þannig að við gátum bæði skroppið í vinnuna. Takk kærlega fyrir það, þú ert bara yndisleg:)
Við erum líklega að fara til Köben um þarnæstu helgi....ó já við hlustum ekki á krepputalið hér á bæ:) Nei úff ég verð nú að viðurkenna það að við erum full efasemda um skynsemina í þessu flakki en við vorum búin að bóka áður en landið fór á hvolf og því held ég að við drífum okkur bara. Að vísu ætlum við að ,,funda" með samferðarfólki okkar í kvöld og ákveða hvað við ætlum að gera. Að sjálfsögðu förum við ekki ef Arndísi Ingu hrakar en nú reynum við að hugsa sem minnst um að það geti gerst, er Pollýanna ekki vel við hæfi í þessum efnum?
Ætli að Pollýanna verði ekki vinsælasta stúlkunafnið á stúlkum sem fæðast í dag?
Ég verð að viðurkenna það að hafa ekki hlustað mikið á fréttir undanfarið. Finnst það einhvern veginn ekki hafa neitt upp á sig. Ég veit hins vegar að allt er á leið til andskotans og reyni bara að hugsa um eitthvað fallegt. Eitt er víst að sama hvað ég reyni þá tekst mér ekki að finna neitt jákvætt við blessaða bankastjórana sem hafa þegið yfir 60 milljónir á mánuði undanfarin ár! Er hægt að reka fyrirtæki með hagnaði sem borgar annað eins í forstjóralaun? Maður spyr sig.
Nóg um það.
Á morun er saumaklúbbur og það er alltaf gaman. Ég fer þangað sama hvort krónan veikist eða styrkist, ef olían svífur upp þá hjóla ég bara:)
Ætli að það sé ekki bara við hæfi að enda þennan pistil þá því að minna okkur öll á hugsa um það sem mestu máli skiptir í þessu blessaða lífi, BÖRNIN OKKAR! Að eiga heilbrigð og yndisleg börn er ómetanlegt og ekki hægt að meta til fjár. Við erum rík á meðan við eigum þau!
Þar til næst....
kv. Helga Sigurbjörg

Nokkarar myndir

2008-10-03T20:25:00.011Z

Hilmar þór á vélsleða í kvöld.. (alveg hæðst ánægður)

Arndís Inga afmælisstelpa að blása á kertin sín

Afmælisstelpa

Hilmar að máta crossskóna hans Jóhanns

Arndís aðeins að ræða málin

Fagur er DALURINN

Meiri afmælisblástur!

Litla prinsessan nývöknuð eftir eftir aðgerð. Ekki sátt!

Eins og þið ónytjungarnir áttið ykkur kanski á þá set ég inn myndir en ekki helga Þannig að engin comment = engar myndir ;)
sagan segir: ef ég pósta (sem er ekki oft)þá eru engin comment en ef helga bloggar þá er fullt fullt
Bestu kveðjur Árni P og co

Staðan í dag

2008-10-03T14:27:00.002Z

Jæja af okkur er það helst að frétta að við segulómunina í gær kom í ljós að það var mikil vökvasöfnun í fætinum sem benti til sýkingar. Hún var því drifin í uppskurð í morgun til að tappa af og taka sýni í ræktun. Þegar þeir opnuðu fundu þeir hins vegar engan vökva en tóku til öryggist sýni úr beinunum og liðnum. Við fáum út úr þeim sýnum eftir 2-3 daga en þangað til verður hún sett á sýklalyf í æð til öryggis ef einhver sýking er hugsanlega til staðar. Við erum því nokkuð bjartsýn í dag en á móti finnst okkur hálfgremjulegt að vita ekki hvað amar að. Þeim finnst þetta mjög furðulegt og dettur einna helst í hug bólgur í vöðvum sem sjást ekki en það kemur vonandi í ljós innan fárra daga.
Við verðum sem sagt hér á spítalanum yfir helgina og þá verður staðan tekin á nýjan leik. Arndís Inga er hress og kát en bara dálítið vönkuð eftir svæfinguna. Árni Pétur skellir sér austur í sveit og í vinnuna en ætli að við fjölmennum svo ekki bara inn á Akureyri á morgun og eyðum helginni hérna.
Læt þetta duga í bili. Góða helgi.
kv. Helga og Arndís Inga

Staðan hér á bænum...

2008-10-01T17:37:00.002Z

er bara nokkuð góð. Arndís Inga fór í skoðun í morgun sem ekkert kom út úr og búið er að ákveða að segulómskoða hana á morgun til að komast að því hvað er að hrjá litlu prinsessuna. Hún ber sig vel, er hress og kát en haltrar og finnur til í mjöðminni. Við erum því bara fegin að þau ákváðu að drífa í því að ómskoða hana því það er ekki skemmtilegt að vita ekki hvað er að.
Við héldum upp á afmælið hennar í gær og var það voða skemmtilegt. Hún var rosa ánægð með daginn, fékk fullt af gestum og pökkum og svo finnst báðum börnunum kökur og sælgæti óskaplega gott þannig að þau voru sátt.
Við tókum nokkrar myndir og nú fara þær örugglega að detta hér inn.
Ég læt vita hvað kemur út úr skoðuninni.
Kv. Helga

Afmæli, helti og óskir um ráð

2008-09-26T17:16:00.002Z

Komið þið öll sæl og blessuð....já nú segi ég sko öll því það kommentuðu svo margir síðast;) Já og takk kærlega fyrir allar fallegu afmæliskveðjurnar. Ég bauð í saumó á afmælisdaginn og það var voða ljúft. Annars fékk ég frekar fyndið komment frá börnunum í 5. bekk. Ég var að kenna þeim ensku og viðfangsefnið var mánuðirnir og afmælisdagar þeirra. Að sjálfsögðu spurðu þau mig hvenær ég ætti afmæli og sagði ég þeim að ég ætti afmæli í dag. Þá spurðu þau hversu gömul ég væri og ég sagði þeim það og þá fékk ég þessa snilldarsetningu: ,,Þú lítur sko ekki út fyrir að vera svona gömul. Mamma mín er 32 ára og hún er öll svona krumpuð (svo grettir strákurinn sig og krumpar á sér andlitið)" Bara snilld!
Héðan er það annars helst að frétta að Arndís Inga er hölt og það er ekki vitað hvers vegna. Nú leita ég því til ykkar um hugmyndir. Þegar hún vaknaði í gærmorgun gat hún ekki stigið í hægri fótinn. Það er búið að röntgenmynda hana og ómskoða en ekkert finnst. Æi mér finnst nú alltaf betra að vita hvað amar að börnunum mínum! Hafið þið lent í þessu? Ef svo er hvað kom út úr því?
Læt þetta duga í bili. Eigið góða helgi.
kv. Helga og halta barnið

úff púff!

2008-09-19T10:40:00.002Z

Já mér líður einhvern veginn svona þessa dagana. Mér finnst eiginlega aðeins of mikið að gera. Haustverkin í vinnunni eru ansi mörg, þvotturinn í óhreinu körfunni minni eykst og eykst og ég hef ekki undan, húsið mitt þrífur sig ekki sjálft.....o.s.frv. þið skiljið mig örugglega því ég veit að það er ekkert meira að gera hjá mér en ykkur hinum;) Það er bara einhvern veginn þannig að sólarhringurinn er ekki nógu langur þessa dagana!

Annars er helgin framundan og þá gerist örugglega allt:)

Hafið það gott.

kv. Helga

Smá blogg

2008-09-08T15:11:00.002Z

Nú verð ég að byrja á því að afsaka enn einu sinni þessa bloggleti! Núna kenni ég einfaldlega reiði minni í garð netsins um því í síðustu viku hvarf færslan sem ég var búin að streða við að setja inn og ég er fyrst núna að ná mér!
Annars er það helst í fréttum að við skelltum okkur í fjörðinn fagra um helgina og vááá hvað það var gaman:) Það var yndislegt veður og ég náði að kíkja á ansi marga. Við gistum í bústaðnum hjá Beggu og Gústa (foreldrum Nonna) því Imba og Nonni eru að taka húsið sitt í gegn og því ekkert pláss fyrir aukagesti þar. Þetta var alveg yndislegt og nú blótum við bara vegalengdinni því við værum sko alveg til í að skjótast þetta oftar. Takk kærlega fyrir okkur!
Nú er vinnan tekin við og Árni Pétur á bara eftir að guida í sex daga...jibbí. Ég held að við verðum öll glöð þegar þessari törn lýkur og við förum að eiga aðeins meiri tíma saman.
Jæja nú ætla ég að fara að sækja börnin í leikskólann.
Hafið það gott.
kv. Helga

Helga myndaóða mætt á svæðið

2008-08-14T22:49:00.003Z

Jæja mér tókst að henda inn einni mynd af prinsessunni á heimilinu. Myndin er tekin í útilegu í Fnjóskadal fyrr í sumar. Við höfum ekki verið dugleg með myndavélina í sumar en það stendur til bóta um helgina en þá skellum við okkur í útilegu....það er bara aldrei að vita nema ég hendi inn nokkrum myndum eftir helgi (nú ef ekki þessa helgi þá alla vega einhverja helgi:)
Í öðrum fréttum er það helst að ég fór á frábært námskeið í dag og nú er ég sko full af fögrum fyrirheitum og hugmyndum fyrir kennsluna í vetur.....svo er bara að bíða og sjá hvort ég komi þeim í framkvæmd:)
Já og eitt í lokin. Til hamingju borgarbúar sem lesa þetta blogg með nýja borgarstjórann ykkar:) hahahahhaha ætlar þessi vitleysa engan enda að taka? Ja maður spyr sig. Ef ég væri þið þá myndi ég pakka niður öllu mínu hafurtaski og gefa skít í þessa vitleysu og flytja norður í land þar sem uppgangurinn er rétt handan við hornið;)
Og annað alveg í lokin: Sökum mikils dugnaðar af minni hálfu á þessari síðu undanfarið geri ég þá kröfu að allir sleppi sér og kvitti alveg út í hið óendanlega.
kv. Helga

Mynd

2008-08-14T22:47:00.000Z

Sumarfríið búið.....

2008-08-13T22:25:00.003Z

og alvaran tekur við. Já góðir hálsar. Þetta sumar er víst að klárast. Fer á námskeið á morgun (átti að vísu að fara í morgun en misskildi þetta eitthvað) og svo hefjast starfsdagarnir á föstudaginn.
Einhvern veginn finnst mér þetta sumar hafa flogið en þannig er það nú yfirleitt og ætti því ekki að koma mér neitt sérstaklega á óvart. Mér finnst haustið góður tími því myrkrið er gott í smá stund:) Þá styttist líka í að betri helmingurinn fari að sjást meira hér á heimilinu og það er kærkomið, að vísu er nú ennþá rúmur mánuður eftir af veiðinni en miðað við hve hratt sumarið leið þá hlýtur þessi mánuður að gera það líka:)
Við skelltum okkur á hestbak með börnin í dag. Marinó var svo góður að bjóða þeim á bak og það var gaman að fylgjast með þeim. Hilmari Þór þótti þetta nú ekki mikið mál, sagðist þaulvanur enda búinn að prófa þetta einu sinni á leikskólanum;) Arndís Inga var líka voða kát. Við Hemmi héldum í hana og hún brosti rúmlega allan hringinn.
Jæja nú er veiðimaðurinn loksins að láta sjá sig....best að hætta þessu bulli, aldrei að vita nema við hendum inn myndum fljótlega, þ.e.a.s. þegar Pési hefur tíma því ekki geri ég það;)
Þar til næst.....
kv. Helga

Að mála bæinn rauðan....

2008-07-30T13:21:00.002Z

á vel við hér á þessu heimili, nema þá liturinn því hann er hvítur. Ég er sem sagt búin að vera að mála þakskeggið, þakið og reykháfinn á húsinu mínu og þvílíkur munur, er bara búin að eignast glænýtt hús:) Mamma og pabbi hafa verið hér í viku hjá mér og hjálpað mér með þetta allt saman því ég hef komist að því að það er ekki hægt að mála og gæta barna samtímis.
Nú er ég að bíða eftir því að veiðimennirnir komi inn og Siggi, Kristín og börnin eru væntanleg. Pizzan er komin í ofninn og allt reddý:) Svo er útlit fyrir að Árni Pétur verði í fríi í fjóra daga í næstu viku og þá ætlum við að skella okkur eitthvað:)
Þar til næst
Helga

Tími á blogg?

2008-07-22T10:10:00.002Z

Æi góðir hálsar. Ég veit ekki hvað ég er að rembast við að halda úti þessari bloggsíðu. Í þau fáu skipti sem ég nenni að skrifa er ég alltaf voðalega glöð að sjá öll kommentin en þess á milli nenni ég engan veginn að setjast niður og skrifa eitthvað! Já það er vandlifað í þessum heimi finnst ykkur ekki?
Af okkur er það helst að frétta að við erum löngu komin heim úr fríinu um Suður og Suð-austurlandið. Það var yndisleg ferð í alla staði og fengum við gott veður mest allan tímann og gestgjafarnnir stjönuðu við okkur. Hér á Norðurlandinu byrjaði sumarið hins vegar í fyrradag. Við vorum búin að klæða okkur í ullarnærbrækurnar líkt og venjulega þegar við álpuðumst út og á móti okkur tók volgur sunnanblærinn! Við vissum ekki hvernig við áttum að snúa okkur í þessu, rifum okkur úr brókunum og hlupum út í garð:)
Árni Pétur sést lítið heima þar sem hann er á fullu í fylgd við blessaða ána og börnin eru að verða nettpirruð á leikskólaleysinu. Að vísu er alveg með ólíkindum hvað þau eru dugleg að leika sér saman. Maður sér hve gott það er að hafa svona stutt á milli barnanna og því er stóra spurningin hvort skella eigi í eitt fljótlega eða bíða þar til börnin stækki??? Hvað segið þið um það?
Í öðrum fréttum er það helst að mamma og pabbi eru að koma í dag og ætla að stoppa alveg í viku hjá okkur þannig að nú bíðum við eftir þeim. Matta, Hjálmar og börnin kíktu á okkur í gærkvöldi og það var voða gaman. Svo ætlum við Ingibjörg að skella okkur á Eyrina á morgun og eyða þar helst heilum degi og slatta af peningum:) Þar sem ég á ekki von á því að komast í Mall of America þetta árið (snökkt, snökkt) ætla ég að vera skynsöm og fara að huga að jólagjöfum því ef desembermánuður verður svipaður síðasta desembermánuði vinnulega séð þá er ekkert vit að eiga eftir að versla jólagjafir.....að vísu finnst mér það MJÖG ASNALEGT að vera að hugsa um jólagjafir á þessum árstíma en þar sem kreppan ógurlega er að skella á okkur er um að gera að vera skynsamur og versla á útsölum:)
Jæja nú er ég alveg að tæmast!.......jú kannski að ég óski Svanfríði og Héðni Mara til hamingju með afmælin um daginn, Svanlaugi og Rannveigu til hamingju með drenginn sinn og Völla og Þóru til hamingju með nafnið á litla skáfrænda. Læt þetta duga í dag....og örugglega næstu daga ef ég þekki mig rétt;)
kv. Helga ofurbloggari

Seint blogga sumir en blogga þó!

2008-06-29T21:52:00.002Z

Æi mikið óskaplega er ég löt að skrifa eitthvað inn á þetta blessaða blogg. Ég er meiri að segja farin að gleyma að kíkja hér inn á bloggrúntinum mínum.....en ætli að ég reyni ekki að bæta mig í þessu, bretti upp ermar og hysji upp um mig buxurnar!
Nú er ég löngu komin í sumarfrí og hef verið á flakki í tæpar þrjár vikur. Við byrjuðum á því að fara í brúðkaup á Ólafsvík og þar á eftir renndum við í borgina og skildi Árni Pétur mig og börnin eftir í dekri á Hlíðarveginum....úff hvað það er alltaf gott að koma þangað, hvíla sig og leyfa ömmunni og afanum að dekra við börnin (og mig:) Ætli að ég þurfi ekki að fara að splæsa í hvíldarinnlögn fyrir mömmu í Hveragerði svo hún nái sér eftir innrásina:)
Svo kíktum við á ættarmót í Öræfin. Það var mjög gaman fyrir utan veðrið en það var svona frekar blautt og leiðinlegt.
Eftir það lá leiðin til Hafnar...oh hvað það er alltaf gott að koma þangað. Veðrið lék við okkur (eins og vanalega) og við náðum að heimsækja flesta sem við þekkjum. Við gistum hjá Imbu og Nonna og það var alveg frábært, dekrað við okkur eins og venjulega. Takk kærlega fyrir okkur. Nonni var að vísu á sjó mestallan tímann en kom í land í nokkra klukkutíma og dró Árna Pétur með sér upp skarðið og á kajak. Við Imba höfðum nú orð á því að þetta hefði eitthvað snúist í höndunum á okkur því hér áður fyrr voru það við sem fórum út að ganga og hreyfa okkur og þeir sátu heima. En við náðum nú líka að fá okkur göngutúra með börnin og það var mjög gaman.
Núna erum við svo komin heim í heiðardalinn og á fullu að undirbúa opnun á Veiðihúsinu. Ég og Ása tengdamamma erum hálfnaðar með að þrífa og á að klára þetta á morgun. Svo vinn ég á þriðjudaginn með henni og svo heldur sumarfríið mitt áfram.
Árni Pétur stefnir á að vinna meira en minna í allt sumar þannig að ef þið viljið kíkja í heimsókn nú eða í útilegu með mér og börnunum endilega látið mig vita:)
Jæja nú ætla ég að fara að skella mér í bælið.
Hafið það gott og njótið sumarsins elskurnar mínar.
kv. Helga Sigurbjörg

Styttist í sumarfrí og brjálað að gera

2008-06-02T09:25:00.002Z

Já nú er sko fjör í sveitinni! Orkan mætt á svæðið og nóg að gera:) Stefnan er tekin á brúðkaup á Ólafsvík um næstu helgi og ætla ég og börnin svo að skella okkur í borgina og eyða dágóðri stund með minni fjölskyldu á meðan bóndinn fer aftur norður að vinna. Undanfarnir dagar og vikur hafa því verið vel nýttir í garðvinnu, enda af nógu að taka þar! Svo er nú alltaf nokkuð mikið að gera í kennslunni síðustu dagana fyrir sumarfrí en ég tel mig þó vera á góðu róli þar....skólaslit á föstudaginn og allt á áætlun.
Við vorum með Landeigendaveislu um helgina og við Heiða og tengdó rúlluðum henni upp eins og okkur einum er lagið;) Svo skellti ég mér í bombuklúbb til Jóhönnu í gærkvöldi og svei mér þá ef ég er ekki bara enn södd eftir það.
Í dag býð ég svo börnunum í bekknum mínum í heimsókn til mín, búin að leigja hoppukastala og svo á að grilla. Hilmar Þór er voðalega spenntur fyrir þessu og hlakkar mikið til að hitta þau því hann hefur nokkrum sinnum komið með mér í skólann í vetur og á eitt bekkjarkvöld og finnst þau bara skemmtileg:)
Jæja ætli að ég fari ekki að nota tímann á meðan börnin eru í íþróttum til að ganga frá námsbókum.
Kv. Helga sem er alveg að komast í sumarfrí

Hvar á ég að byrja?

2008-05-08T22:55:00.002Z

Það er ekki hægt að segja að ég sé virkur bloggari! Það er svo langt síðan ég skrifaði síðast að ég veit ekki alveg hvar ég á að byrja. Ætli að það sé þá ekki bara best að taka punktafærslu ala Ester á þetta.....

Við fórum suður um þarsíðustu helgi. Það var voðalega ljúft og við náðum að heimsækja nokkuð marga. Amman og afinn ofdekruðu börnin og ég náði að hvíla mig vel og mikið. Takk kærlega fyrir okkur.
Um síðustu helgi skellti ég mér svo á Öldungamót í blaki á Ísafirði með Sindrastelpunum og það var mjög gaman. Að vísu minnist ég þess ekki að hafa fengið jafn mikla strengi nokkurn tímann á lífsleiðinni enda hefur mín sjaldan verið í eins afleitu formi og þessa dagana.
Sökum samviskubits hef ég farið tvisvar út að hlaupa í þessari viku og vonandi tekst mér að halda áfram að vera dugleg!
Við fengum tvo mjög góða daga núna í vikunni og VÁ hvað maður fyllist af orku! Við eyddum þessum dögum að mestu í garðinum með börnunum og það var bara GAMAN. Nú klæjar mann bara í fingurna að halda áfram að koma garðinum og pallinum í sumarbúninginn en því miður virðist sumarið hafa skroppið í vetrarfrí þannig að ég á nú ekki von á að vera dugleg um helgina.
Það er nóg að gera í kennslunni. Það er alveg með ólíkindum hvað manni finnst maður alltaf eiga eftir að gera margt þegar einungis nokkrar vikur eru eftir fram að sumarfríi....viðtöl í næstu viku, námsmat, þemaverkefni o.s.frv. en mín brettir bara upp ermarnar, spítir í lófana og rúllar þessu upp!
Börnin á heimilinu eru alltaf jafn yndisleg. Arndís Inga er alltaf að læra ný orð og er allt í einu hætt að vera smábarn. Hilmar Þór er voða góður stóri bróðir og passar upp á systur sína. Þau elska bæði útiveru og þurfum við oftast að beita brögðum til að ná þeim inn:)
Svefnmálin löguðust á heimilinu þegar móðirin skrapp í orlofið um síðustu helgi og höfum við fengið að sofa alveg óáreitt allar nætur síðan ég kom heim. Ætli að ég verði ekki bara að gera þetta aðeins oftar;)
Jæja ætli að ég láti þetta ekki duga að sinni
Eigið góða hvítasunnuhelgi elskurnar mínar
kv. Helga

Vorið er komið..jibbíjei!

2008-04-20T22:04:00.003Z

Loksins, loksins það er komið VOR:) Það er búið að vera yndislegt veður yfir helgina, sól og logn og bara gaman! Svo fengum við líka góða heimsókn, TAKK KÆRLEGA FYRIR KOMUNA Elsa Lára, Rúnar, Þorsteinn Atli og Þórdís Eva. Komið endilega sem fyrst aftur:)
Svo eru bara þrír dagar þar til við leggjum land undir fót og fljúgum til borgarinnar. Mikið verður nú gaman að kíkja suður. Við höfum lítið sem ekkert farið úr sveitinni síðan um jólin og það er nú fulllangur tími fyrir húsmóðurina;)
Nú vona ég bara að Arndís Inga hristi af sér hitann og astmann sem hefur verið að hrjá hana um helgina:)
Hafið það gott og munið að njóta vorsins (og endilega kíkið í garðinn hjá mér ef þið viljið taka til hendinni:)
kv. Helga og fuglarnir sem syngja fyrir utan gluggann minn

punktafærsla úr sveitinni

2008-04-13T08:17:00.002Z

Jæja ætli að það sé ekki best að henda inn nokkrum línum þó svo ég viti ekkert um hvað ég ætla að skrifa. Ætli að það sé ekki best að henda fram nokkrum atriðum í punktaformi.

Í gær skírðu Hemmi og Edda dóttur sína og hlaut hún nafnið Alexandra Ósk. Innilega til hamingju með þetta fallega nafn:) Það var ógurleg veisla í Árnesi af því tilefni og erum við enn södd og sæl eftir allar kræsingarnar.

Við skelltum okkur svo snögga ferð á eyrina því Jói í Haga var að opna sýningu þar innra.

Ég uppgötvaði það líka að í gær voru nákvæmlega 18 ár liðin frá því ég fermdist.....úff þetta hljómar eins og ég sé orðin gömul, en að sjálfsögðu er það bara algjör vitleysa, ég hlýt bara að hafa verið óvenju ung þegar ég fermdist!

Um næstu helgi fáum við líklega heimsókn því Elsa Lára og fjölskylda eru að spá í að bruna á nýja kagganum í heimsókn....nú vona ég því bara að vinnuvikan verði fljót að líða eins og venjulega:)

Í þarnæstu viku er svo stutt vinnuvika og er líklegt að við skellum okkur suður í borgina þá:) Þannig að það er fjör framundan....jibbí:)

Svo er líklegt að ég heyri í Svanfríði innan skamms. Það er alveg með ólíkindum hve illa okkur hefur gengið að tala saman. Fyrst gerði ég nokkrar tilraunir til að hringja en hitti ávallt illa á hjá henni.....svo hef ég lítið verið heima undanfarna daga til að taka upp tólið þegar hún hefur hringt....svona vill þetta stundum verða:) En vonandi náum við að spjalla í dag.
Jæja nú hef ég ekkert meira að segja....nema kannski bara púúúú á ríkisstjórnina fyrir að lækka ekki olíuverðið!!!!
Bið að heilsa í bili.
Yfir og út
Helga

Systrahelgin búin

2008-03-31T15:06:00.003Z

Jæja komið þið sæl. Nú eru Bára og Sandra Sif farnar og við erum strax farin að sakna þeirra. Við vorum nú frekar óheppin með veðrið þessa helgi og héldum okkur aðallega innan dyra. En við náðum að slaka vel á og spjalla um ýmislegt. Svo var nú bara GAMAN að fylgjast með blessuðum börnunum. Hilmar Þór og Arndís Inga voru afskaplega góð við litlu frænku, knúsuðu hana og kysstu. Við þurftum nú svolítið að vakta þau, sérstaklega Arndísi Ingu því henni fannst ekkert sjálfsagðara en Sandra Sif fengi Cheerios með sér og fleira og skyldi engan veginn í því að hún mætti ekki gefa henni:) Hilmar Þór missti sig alveg í sýndarmennsku, gretti sig og lék ýmsar kúnstir til að fá Söndru Sif til að hlæja og tókst það afbragðs vel:) Við Bára afrekuðum það loksins í gærkvöldi að fara í pottinn, ætluðum öll kvöld en fannst svo alltaf eitthvað svo kalt og vont veður að við komum okkur ekki í það. Það var hins vegar voðalega ljúft og það eina sem vantaði var bjórinn...nú eða Mohitoið:)
Ég tók Arndísi Ingu með mér í skólann í dag því ég átti tíma í 18 mán. skoðun fyrir hana í morgun. Hún fékk því að hitta nemendurna mína í eina klukkustund fyrir skoðunina og þeim leist voðalega vel á hana. Annars var ég að fá þriðja nýja nemandann minn í dag...segja svo að maður sé ekki vinsæll:) Hún var mætt þegar ég kom í morgun og því óhætt að segja að dagurinn hafi verið dálítið öðruvísi og kannski aðeins annasamari en venjulega.
Jæja ætli að ég láti þetta ekki duga í bili.
Þar til næst....tjá
Helga og Nesgengið

páskafrí í sveitinni

2008-03-21T14:53:00.002Z

Komið þið sæl. Héðan úr Nesi er allt gott að frétta. Arndís Inga náði sér í v ægu útgáfuna af hlaupabólu og er hin hressasta.....þannig að við hin erum að sjálfsögðu líka voða hress:)
Ég var með matarklúbbinn í kvölmat í gærkvöldi og það var voðalega gaman. Við elduðum humar frá Nonna forrétt sem vakti mikla lukku (takk kærlega fyrir hann:), hreindýr í aðalrétt og Baileys kaka og Tiramisu í desert....þannig að við fórum södd að sofa það kvöldið:)
Í dag er svo mjög gott veður og ég er að bíða eftir að Arndís Inga vakni af lúrnum sínum svo ég geti skellt henni í göngubakpokann og kíkt út. Hilmar Þór og Árni Pétur skelltu sér á snjósleða, þannig að það er líf og fjör í sveitinni.
Svo styttist í að Bára og Sandra Sif kíki á okkur en þær koma á miðvikudaginn og ætla að stoppa fram yfir næstu helgi.....bara fjör:)
Ég myndaðist við að þrífa eldhúsinnréttinguna áðan, komst að því að skáparnir voru orðnir ansi ,,sjabbí" þegar ég var að ganga frá eftir matarboðið þannig að mín skellti sér í Mr. Proppergírinn og skveraði þá:)
Núna er ég því heldur betur ánægð með mig og langar helst að klára að setja upp ljósin, hillurnar sem bíða eftir því að komast upp og skjólvegginn á pallinn....en ætli að það sé nú ekki skynsamlegt að láta húsbóndann á heimilinu sjá um það?
Svo er eitt alveg yndislegt...það er farið að styttast í vorið og þegar það er búið þá kemur sumarið og þá verður sko gaman:)
Njótið nú páskanna, borðið mikið af góðum mat og ekki klikka á páskaeggjunum....og eitt Ester Ósk það er eins gott að þú geymir stóran bita af Sans Rival tertunni handa mér!

kv. Helga

Fréttir úr sveitinni

2008-03-11T15:16:00.003Z

jæja góðir hálsar. Héðan er bara allt ágætt að frétta. Flensan tekin við af bólunni og bara stuð:) Nóg um það. Í öðrum fréttum er það helst að ég er að fara í páskafrí og vonast til að geta skotist suður á bóginn. Að vísu ætti bólan hugsanlega að vera komin aftur í hús....þannig að nú bíðum við bara og vonum að sú stutta hafi sloppið í þetta skipti. Ekki það að það er nú ágætt að drífa í þessu en æi okkur finnst eiginlega nóg komið af inniveru í bili:)
Við Ingibjörg og Tora skelltum okkur á Akureyri á sunnudagskvöldið. Fengum okkur gott að borða og drifum okkur svo í bíó. Mig minnir að myndin hafi heitið Bucket list- alveg hreint fínasta ræma sem ég get alveg mælt með að sjá.
Nú styttist heldur betur orðið í vorið og sumarið og VÁ hvað ég hlakka til! Það er svo margt skemmtilegt sem ég ætla að gera, t.d. ferðast með fellihýsið mitt, fara á ættarmót í Öræfunum, helst að kíkja á Hátíð á Höfn o.fl. ohhh ég get varla beðið. Svo er ég nú búin að panta Báru, Söndru Sif, Ingunni og Rannveigu Hörpu í heimsókn á pallinn minn, sem verður með góðum skjólvegg fyrir norðanáttinni og heiti potturinn á fullum svingi:) Að sjálfsögðu eru fleiri velkomnir í heimsókn því það er alltaf gaman að fá góða gesti:)
Jæja ætli að ég setji ekki bara punkt hér á eftir og læt þetta duga í dag.
Kv. Helga sumardís

Hlaupabóla, hiti og hor

2008-03-05T10:16:00.003Z

Ekki skemmtileg fyrirsögn hér á ferð, en sönn engu að síður! Hilmar Þór náði sér sem sagt í hlaupabólu og hefur verið ansi slakur síðan á laugardag. Ég held þó í þá von að henni fari að ljúka. En greyið litla fékk bólur á mjög óskemmtilega staði, t.d. í munninn, augun og rassinn og hefur ekki verið sá glaðasti! Við höldum áfram að peppa hann upp með því að segja honum að þetta sé alveg að verða búið og þá fái hann hana ALDREI aftur!
Við vonuðumst að sjálfsögðu til að Arndís Inga fengi hana um leið en hún virðist ekki vera alveg sammála okkur þar og ákvað í staðinn að fá bara hita og hor. Þannig að hér á bæ er mikið stuð:)

Annað er nú ekki að frétta héðan.....ekki kannski skemmtilegasta bloggfærsla sem skrifuð hefur verið, en færsla engu að síður.

Endilega kíkið í kaffi.....
kv. Helga

Kominn tími á blogg?

2008-02-26T20:46:00.002Z

Sælt veri fólkið. Ætli að það sé ekki orðið tímabært að henda hér inn nokkrum línum. Í fréttum er þetta helst að Hemmi og Edda voru að eignast dóttur fyrir nokkrum mínútum síðan, INNILEGA TIL HAMINGJU! Vonandi er þeim sama þó ég upplýsi þetta hér. Ég veit ekki hvort ég sé skrýtin en þegar ég heyri um fæðingar í fjölskyldunni missi ég mig bara alveg, tárast og fæ gæsahúð. Ekki batnar það svo þegar ég sé myndir af börnunum! Ég var ekki svona áður en ég átti mín börn en ætli að maður breytist ekki bara við það að eignast börn sjálfur því þá sér maður hve mikið kraftaverk þetta er! Hvað segið þið um þetta mál?

Annars eru Bára, Sammi og Sandra Sif úti á Tenerife núna, væri sko alveg til í að vera þar með þeim. Mér skilst á Báru að Sandra Sif fíli sig alveg í botn í kerrunni sinni og harðneiti að sofa á daginn svo hún missi nú ekki af neinu. Ég held að ég ákveði það hér með að skella mér í sólina að ári! Það er alveg hreint með ólíkindum hvað sólin getur lappað upp á sálartetrið á manni og ég viðurkenni það að mig er aðeins farið að lengja eftir henni.....en nú fer vorið að koma þannig að það fer að lagast:)

Annars hefur verið nóg að gera í vinnunni. Erum á fullu í hópastarfi þessa dagana þar sem nemendum er skipt í 9 hópa og allir að gera allskyns skemmtileg verkefni. Ég var nú að vísu hálfþreytt eftir daginn í dag því svona vinna tekur á en er um leið mjög skemmtileg. Við vonumst til að klára verkefnin á morgun þannig að þá róast hjá okkur.

Ég og Hilmar Þór skelltum okkur í messu á sunnudaginn. Hilmar Þór var voða prúður og stilltur, tók virkan þátt í messunni með því að herma eftir hreyfingum prestsins og þegar messunni lauk kom presturinn og tók í höndina á honum og sagði að hann væri voðalega góður strákur og það væri gaman að hann skyldi koma í kirkjuna. Hilmar Þór var voðalega ánægður og þegar hann kom heim fór hann rakleitt til pabba síns og sagði: ,, Guð sagði að ég væri góður strákur og sagði að það væri gaman að ég skyldi koma í kirkjuna" . Við urðum því að fara í gegnum smá útskýringar á þessu öllu saman:)

Jæja ætli að ég láti þetta ekki duga í bili.

Þar til næst (hvenær sem það verður) hafið það gott.

kv. Helga

afmælis, búninga og þorrabl. myndir

2008-02-08T08:57:00.000Z

Síðasta helgi var náttúrulega bara snilld! Fengum fullt af góðum gestum, það var afmæli hilmars og svo náttlega þorrablót. Þetta var bara gaman og þökkum við kærlega öllum gestum bæði afmælis og þorrablóts.

börnin smá og sæt..

litlu ungarnir okkar.

barnaafmæli

Ari sem ekki ræður við baranasleða

á ísnum

Norðurljós niður við á í dalnum fagra..

jan-feb myndir

2008-02-07T12:49:00.000Z

Jæja nokkar myndir sem mig langar til að deila með ykkur!

Internettenginin heima í Nesi er að fara með geðheilsuna hjá mér og því ekki um það að ræða að setja inn myndir heima! Hraðin á þessari rándýru internettengingu er kominn niður fyrir það sem við fengum í gegnum símalínuna, þegar við vorum á henni, svo er maður hringir í Hive þá ertu númer 5000 í röðinni og færð að lokum að tala við einhvern "vindkoll" sem ekkert veit, skilur eða getur ... arg... gerir mann geðveikan.

Aní veij,,, ég lofa að reyna að muna að taka með með myndir í vinnuna af afmæli, grímubúningum og þorrablótsgestum á næstu dögum

góðar stundir pesi og co

Engar myndir!?!

2008-01-27T20:01:00.000Z

Bara til þess að vera duglegur eins og helga þá ætlaði ég að henda inn nokkrum myndum, en uppgötvaði að ég hef nánast engar myndir tekið í janúar, nema þegar það var íscross mót í mývatnsveit um daginn. Annars eru strákarnir í dalnum á fullu í mótor-mennsku, við ætluðum að fara á sleðum uppí Laugarfell sl. laugardag drösluðum 5 sleðum uppá kerru og ókum allaleið inní Mýri í bárðardal, aðeins til þess að uppgötva að það var ekki fært fyrir snjóleysi!!! ARG... en svona er þetta stundum, þá var bara farið heim fjárfest í LÖDU SPORT allir strákarnir mættu í skúrinn hans Garðars ( verkstæðið við laxárvirkjun) gerðum LÖNDUNA akfæra, heilsprautuðum(felgurnar líka) hana og smíðuðum á hana tönn og svo var farið í dag uppá Vestmannsvatn og rudd braut fyrir mótorhjólin. Nú bíðum við bara spenntir eftir veðri til að keyra. því miður á ég ekki mynd af lödunni fallegu, ég geri mér grein fyrir því að það eru allir á sætisbrúnninni, en ekki örvænta myndir koma fljótlega .
kveðjur úr dalnum pesi og co

jói, á ráslínu (ég bakvið hann)

p.s. þetta var rosa gaman, en ég endaði svo roaly á hausnum að ég hætti keppni í 3. híti..:)

sunnudagur í sveitinni

2008-01-27T15:18:00.000Z

Sælt veri fólkið. Ætli að ég verði ekki að henda inn nokkrum línum svona úr því að þið eruð svona dugleg að lesa:)
Það er allt ágætt að frétta af okkur. Nóg að gera framundan, afmælið hans Hilmars Þórs á föstudaginn og þorrablótið á laugardag. Við fáum fullt af gestum og það verður líklega mikið fjör:)
Annars hefur helgin verið notuð í algjöra leti, líkt og síðasta helgi. Skil ekki alveg þetta orkuleysi! Svei mér þá ef ég er ekki bara farin að telja niður dagana þar til vorið kemur því þá fyllist ég alltaf af orku:)
Haldið þið ekki annars að mín sé bara að verða gítarsnillingur. Já mín er sko búin að skrá sig á gítarnámskeið sem hefst á morgun. Verst að úrtökum fyrir Bandið hans Bubba sé lokið! Mamma er búin að festa kaup á gítar fyrir mig og ætlar að færa mér hann um næstu helgi þegar þau koma í heimsókn;) Þetta leggst voða vel í mig og hlakka ég til þegar ég verð búin að ná tökum á þessu (að vísu munu æfingarnar örugglega reyna vel á þolinmæðina, en nóg er nú til af henni þannig að ég hef engar áhyggjur:)
Mig langaði óskaplega til að skella mér á Þorrablótið á Höfn en það var í gærkvöldi. Því miður kom ég því ekki í verk þetta árið að skella mér, stefni ótrauð á næsta ári. Mín skoðun er sú að hvergi sé lagt meira í þennan fögnuð en akkúrat þar og því á maður ekki að klikka á því að mæta. Þannig að ég segi nú bara svei mér!
Jæja ég held að ég hafi ekkert meira að segja.
Þar til næst TJÁ
kv. Helga

Við erum á lífi

2008-01-14T10:45:00.000Z

Komið þið sæl og afsakið letina! Ég kem mér bara einhvern veginn ekki í að skrifa þessa dagana. Af okkur er allt ágætt að frétta. Skólinn og vinnan farin að rúlla og hversdagslífið tekið við af afslöppuninni um jólin. Hilmar Þór fékk að koma með mér í skólann í síðustu viku þar sem það var starfsdagur í leikskólanum og það var alveg æðislegt að fylgjast með honum. Hann var þvílíkt duglegur og ófeiminn, sat við borðið sitt og skrifaði og teiknaði á meðan nemendurnir unnu í sínum bóku. Svo fannts honum líka mikið sport að fá að borða nesti með þeim og síðast en ekki síst fílaði hann frímínúturnar alveg í botn. Mín bjóst að sjálfsögðu við að litli strákurinn vildi bara vera inni með mömmu sinni í frímínútunum en sú varð ekki raunin. Stelpurnar í bekknum buðu honum með sér út og pössuðu hann þvílíkt vel, eltu hann um allt og naut hann sín í botn, gerði allskyns kúnstir fyrir þær og þegar þau komu inn höfðu þær orð á því hversu liðugur hann væir og hve hratt hann gæti hlaupið:)
Arndís Inga eyddi hins vegar deginum með nöfnu sinni til hálfs, henni Hjördísi Ingu. Jóhanna var svo góð að bjóðast til að hafa hana og þökkum við henni kærlega fyrir reddinguna:)
Núna er starfsdagur í skólanum og ég er að bíða eftir að sérgreinakennararnir klári að fylla inn umsagnirnar svo ég geti prentað einkunnablöðin út. Á morgun eru svo foreldraviðtölin og ég verð voða fegin þegar þau eru búin.
Jæja ætli að ég láti þetta ekki duga í bili. Þakka ykkur kærlega fyrir öll kommentin, mesta furða hvað þið nennið að kíkja hér inn þar sem lítið er að gerast.
kv. Helga

Jólabloggið

2007-12-26T21:50:00.000Z

Komið þið sæl. Ætli að röðin sé ekki komin að mér að henda hér inn nokkrum línum. Ég vil byrja á því að óska ykkur öllum gleðilegrar jólarestar og farsældar á komandi ári. Við þökkum líka allar gjafirnar og kortin sem okkur bárust, er sko búin að ræða þessi mál mikið við Hilmar Þór og útksýra fyrir honum hve heppinn hann er að eiga svona marga góða vini sem senda honum fallegar gjafir því það er sko ekki sjálfsagt mál, held svei mér þá að hann hafi skilið mig. Arndís Inga kippti sér nú ósköp lítið upp við pakkaopnunina, sat og kúrði sig í fanginu á Bensa afa og Ásu ömmu til skiptis. Það sama má ekki segja um Hilmar Þór og Andreu Ósk. Ég held svei mér þá að ég hafi aldrei séð Hilmar Þór svona öran, ég reyndi að tala við hann og eins innantómt augnráð hef ég aldrei séð, orðin fóru beint í gegn og hann hentist af stað um leið og ég hafði sleppt orðinu:) bara gaman að því!
Jóladegi eyddi ég að mestu í rúminu en ég var hálf slöpp með hósta, hor og kvef. Hilmar Þór og Árni Pétur skelltu sér á skauta en skilst mér að Hilmar Þór hafi nú verið frekar ragur. Þegar ég spurði hann svo hvort hann langaði með mér á skauta á morgun sagði hann mjög mæðulega: ,,nei ég kann ekki á skauta"....mín varð því að útskýra fyrir honum að æfingin skapar meistarann og allt það og vonandi tekst mér að tala hann inn á að prófa aftur fljótlega.
Í dag skelltum við okkur í kaffiboð til Jóhönnu og Garðars í Laxárvirkjun og það klikkaði nú ekki frekar en fyrri daginn, borðuðum á okkur gat og líklega þurfum við ekkert að borða fyrr en á næsta ári.
Jæja nú er verið að fara að sýna Börn í sjónvarpinu, best að hætta þessu bulli.
Góða nótt.
kv. Helga

Enn og aftur myndir

2007-12-16T20:18:00.000Z

Helga er alveg hætt að nenna að blogga, en ég hendi hér inn nokkrum myndum úr dalnum fagra og auðvitað börnunum, svo fjarverandi vinir og ættingar geti notið dýrðarinnar;)

jólakveðjur til allra ÁrniP

Neskirkja að næturlagi

Syrpa með Hilmari og jólasveinum

kvöldstemming. Laxá í Aðaldal í klakaböndum
Tekið úr leirhólma upp á í áttina að Grástraum.

Morgunsól

Glitský ? Tekið af sólpallinum

Nokkrar myndir

2007-12-04T19:52:00.001Z

Jæja nú erum við aftur í sveitarsælunni og lífið farið að ganga sinn vanagang
Helga jólabarn bakar og bakar, börnin eru dugleg að hjálpa og ég meðvikur í vandanum og geri mitt besta til þess að láta allar kökur hverfa ofaní mig þannig að það viðhaldist þörfin til baksturs

bestu kveðjur
Árni P og co

Bakaradrengur

Pabbi að kveikja á aðventunni með
Börnunum sínum

Bakara börn

Bára, Sammi og Sandra Sif

Mesti töffarinn í bænum

Reykjavíkurferðin og aðgerðin sem aldrei var gerð

2007-11-30T23:02:00.000Z

Ætli að það sé ekki best að henda inn nokkrum línum um stöðuna hjá okkur. Ég ætla þó að byrja á því að þakka ykkur öllum fyrir góðu kveðjurnar til okkar....það er gott að eiga góða að!
Annars fórum við suður á þriðjudagskvöldið og gekk ferðalagið bara nokkuð vel. Að vísu skiptust börnin á að sofa á leiðinni en voru bæði mjög prúð og góð:)
Miðvikudeginum eyddum við svo í bið á spítalanum og var loks ákveðið að hætta við aðgerðina. Myndirnar úr ómskoðuninni sýndu að líklega er ekki mikill gröftur í eitlunum og því er líklegt að aðgerðin myndi ekki skila tilætluðum árangri. Í staðinn var ákveðið að hætta að gefa henni pensillinið, enda botninn orðinn ansi aumur, og ákveðið að sjá til hver þróunin verður. Nú fylgjumst við því bara vel með litlu dömunni og enn sem komið er (7, 9, 13) er hún hress og kát og leikur við hvern sinn fingur. Nú vonum við bara að þessum veikindakafla sé lokið....tökum þetta bara á jákvæðninni:)
Á morgun á svo að skíra litlu frænku og höfum við verið að reyna að undirbúa veisluna. Að vísu komumst við Bára að því að það er mjög erfitt að ætla að gera eitthvað með börnin á handleggnum og tökum við bara ofan fyrir mæðrum sem eiga mörg börn með stuttu millibili en ná samt að sinna heimilisstörfum og uppeldinu sómasamlega:)
Jæja ætli að ég láti ekki staðarnumið hér. Best að fara að reyna að gera eitthvað þar sem börnin eru sofnuð:)
kv. Helga

Reykjavík tomorrow!

2007-11-26T20:55:00.000Z

Jæja nú er Reykjavíkurferðin að skella á. Leggjum í hann annað kvöld. Við eigum svo að mæta í skoðun upp á Barnaspítala á miðvikudaginn kl. 14 og stefnt er að aðgerðinni á fimmtudaginn. Nú vonum við bara að allt gangi vel og elsku litla, stóra stelpan okkar fái bata.

Svo náum við að vera viðstödd skírnina hjá litlu frænku á laugardaginn. Mín á meiri að segja að vera skírnarvottur, þannig að nú er sko eins gott að standa sig:)

Jæja ætli að það sé ekki best að fara að koma börnunum í háttinn.

Læt heyra í mér þegar við komum til baka.

kv. Helga

Smá fréttir af lasarusnum

2007-11-22T21:54:00.000Z

Sælt veri fólkið. Við fórum inn á Akureyri í dag með Arndísi Ingu í skoðun og í ljós kom að bólgan hefur aukist aðeins og gröfturinn líka. Það er því útlit fyrir að það þurfi að skera á þetta í næstu viku og hleypa greftrinum út. Mér finnst líklegra að það verði gert í Reykjavík og vonandi getum við þá líka kíkt í skírnina til litlu sætu frænku. Aumingja Arndís er sko heldur betur komin með nóg af þessu þukli og lét sko læknana frétta það big time. Mér skilst að þessi sýking virki þannig að ekki þýði að stinga of snemma á þetta því þá getur komið gröftur í þetta aftur. Því á að bíða aðeins lengur og gera þetta í næstu viku. Að vísu hefur hún verið með smá astma og kvef og það þarf að vera orðið gott áður en þeir treysta henni í svæfingu...þannig að núna pústa ég hana og pústa og vona að hún fari að ná sér litla greyið. Einnig er pensillinið að fara illa í hana og botninn á henni orðinn mjög sár....þannig að litla greyið er frekar lítil í sér og aum þessa dagana.

Ég vonast nú til að geta aðeins kíkt í vinnuna í næstu viku en það kemur í ljós á mánudaginn hvenær aðgerðin verður gerð. Ef Arndís Inga verður hress stefni ég á að mæta í vinnu á mánudaginn og sjá svo til hvert framhaldið verður.

Annars hefur Árni Pétur verið þvílíkt duglegur....vinnur náttúrulega fram á kvöld og hefur svo síðustu tvö kvöld farið beint í skúrinn til að klára að vinna opnanlegu fögin. Við komumst nefnilega að því í vonda veðrinu um síðustu helgi að það er ekki hægt að draga þetta lengur því í svona óveðri lekur inn um gluggana og því hætta á að parketið skemmist..og það viljum við alls ekki, getum ekki hugsað okkur meiri framkvæmdir:) Hann og Grímur eru því búnir að vera þvílíkt duglegir að ,,massa" gluggana og nú á bara eftir að setja þá í.

Jæja nú ætla ég að fara að halla mér.
Hafið það gott.
kv. Helga

Á heimleið:)

2007-11-16T16:51:00.000Z

Jæja loksins fáum við að fara heim:) Að vísu liði mér betur með það ef bólgan væri horfin en þetta tekur greinilega langan tíma. Hún á sem sagt að byrja á mixtúru í dag og við eigum að koma aftur á fimmtudaginn í næstu viku í ómskoðun og viðtal. Auðvitað þurfum við að fylgjast vel með henni og hafa samband ef hún fær hita eða bólgan stækkar. En váá hvað það verður samt gott að komast heim:)
Ég þakka ykkur fyrir öll fallegu kommentin og símtölin undanfarna daga.
kv. Helga

litli sjúklingurinn enn á spítala.

2007-11-15T22:26:00.000Z

Litili sjúklingurinn okkar hún Arndís Inga er enn á sjúkrahúsinu á Akureyri. Þær mæðgur eru búnar að eyða þar rétt rúmri viku!
Þetta er að batna er gerist mjög hægt og því vilja læknarnir ekki útskrifa hana ennþá, þannig að við vitum í raun ekki neitt hvenær þær fá að fara heim. Þetta er búið að taka leiðinlega langan tíma, og við erum búin að fá eiginlega alveg nóg, en maður á sennilega bara að vera þakklátur fyrir það að það að "þetta er að koma" :) . Við feðgar erum búnir að vera heima í sveit, ég get náttúrulega ekki annað gert en að mæta í vinnuna, og þetta er háanna tími núna og fram að jólum. Þannig að ég er búin að níðast á öllum vinum mínum og hef átt góða að í Ingibjörgu, Önnu Gerði og Jóhönnu og Garðari, sem hafa skipst á að taka Hilmar eftir leikskóla, þannig að ég geti unnið fram á kvöld. En svo bar svo við í morgun að aumingja Hilmar var veikur, og ég ekki búinn að koma Skarp, og ýmsu öðru sem ekki þvolir bið í prent. Þannig að amma Ása kom úr skólanum innan af Akureyri til þess að bjara okkur. takk takk amma. Nú fer að detta á helgi og vonandi komast mægður heim sem fyrst. Við Hilmar getum þá allavega farið í heimsókn.
Arndís er búin að fá meira en nóg af læknum og fólki sem gengur um í hvítum sloppum og lætur heyra vel í sér þegar er verið að: Þukla, þreifa, stinga, klípa, mynda o.s.fv.

þangað til næst ÁRniP og co

p.s. nokkrar myndir af ungunum.

Andís er með nál uppsetta í æð fyrir fúkkalyfin
Humm þarf aðeins að skoða þetta.

Það vantar ekki að það er nóg af dóti á barnadeildinni

Hilmar kunni vel að meta allt dótið, og taldi samstundist að hann væri að vera
veikur og það þyrfti að leggja hann inn, hið snarasta!

Hilmar að rúnta með sjúklinginn.

Morgun sól í Aðaldal sl miðvikudagsmorgun

Bíðum enn

2007-11-15T13:52:00.001Z

Jæja nú er vika síðan við komum hingað og við förum alla vega ekki í dag. Arndís Inga er bara nokkuð hress en bólgan hjaðnar voðalega hægt. Við bíðum því bara og bíðum:) Hún fékk tíma í ómskoðun á morgun og þá á að sjá hvernig eitlarnir líta út, aldrei að vita nema við förum heim eftir þá skoðun (að vísu hef ég sagt þetta alla vikuna en er hér enn). Við höllumst að því að þeim finnist við svona skemmtilegar að þær vilja bara ekki losna við okkur.
Svo er Hilmar Þór veikur heima og tengdamamma farin að passa hann svo Pési komist í vinnuna. Hann er nú heldur betur ómissandi karlinn! Hann sagði við pabba sinn í morgun þegar búið var að mæla hann að nú væri hann veikur og þá vildi hann að pabbi sinn bakaði fyrir sig. Pési benti honum á að það kynni hann hreinlega ekki en þá sagðist Hilmar bara getað kennt honum það, maður setti sko egg og sykur og hrærði...ekkert mál:)
Jæja nú eru Skoppa og Skrítla alveg hættar að vera skemmtilegar,
Hafið það gott
kv. Helga og lasarusinn

Arndís Inga að ná sér

2007-11-12T16:21:00.000Z

Ég vil byrja á því að þakka fyrir öll fallegu kommentin, sÍmtölin og heimsóknirnar undanfarna daga. Það er gott að eiga góða að!
Ég held að mér sé óhætt að segja að Arndís Inga sé að ná sér. Að vísu gerist það frekar hægt og þolinmæði móðurinnar af takmörkuðum skammti, en bólgan er farin að hjaðna og vonandi fáum við að fara heim á morgun. Að vísu var ég full bjartsýni í morgun áður en ég fór í ómunina með hana en svörin sem ég fékk voru þau að þau halda að bólgan sé aðeins að minnka, a.m.k. stækkar hún ekki! Utan frá séð sýnist mér hún hafa minnkað meira en ,,aðeins" en það er kannski bara óskyggja í mér:)
Við erum sem sagt hinar sprækustu, Arndís Inga er meiri að segja farin að hlæja að starfsfólkinu hér (þ.e.a.s. ef þau halda sig í vissri fjarlægð:) og þetta er allt að koma.
Svo bíðum við bara eftir morgundeginum og sjáum hvort þetta taki nýja stefnu hjá okkur.
Hafið það gott.
kv. Helga og Arndís Inga

Arndís Inga veik

2007-11-10T08:48:00.000Z

Komið þið sæl. Ég ákvað að setja inn nokkrar línur til að leyfa ykkur að fylgjast með. Arndís Inga fékk sýkingu á fimmtudaginn sem endaði með því að hún var lögð inn á sjúkrahúsið á Akureyri til að fá fúkkalyf í æð. Við vonum að hún sé að jafna sig, alla vega var hun hitalaus í morgun og ég held að bólgan, sem er undir kjálkanum á henni, sé aðeins að hjaðna. Læknar eru að vísu ekki alveg með það á hreinu af hverju sýkingin stafar og það er verið að rannsaka það.
Arndís Inga hefur verið frekar pirruð og lætur læknana frétta það í hvert sinn sem þeir yrða á hana. Hilmari Þór finnst þetta frekar spennandi og ætlar sko að láta læknana kíkja á tvö blóð á fætinum á sér í dag.
Ég skrifa hér inn aftur þegar eitthvað meira er að frétta.
kv. Helga

Jæja þá!

2007-10-30T20:13:00.000Z

Vegna fjölda áskorana hef ég ákveðið að setja inn eina færslu.....að vísu tók það mig hálftíma að komast inn því ég hafði gleymt leyniorðinu inn á síðuna, en það hafðist þó fyrir rest.
Ég veit ekki alveg hvar ég á að byrja, það er svo langt síðan síðast og svo asskoti margt sem hefur gerst. Ætli að ég taki ekki bara Esterarstílinn á þetta og setji þetta upp í punkta:)

Ég kann vel við mig á nýja vinnustaðnum, hressir og góðir krakkar og mjög fín samstarfskona:)
Arndís Inga er næstum því farin að ganga ein og óstudd. Hún er ægilegur knúsari og finnst voða gaman að kyssa okkur:) Sem sagt yndisleg í alla staði.
Hilmar Þór er alltaf jafn frábær...er alltaf að tala um að hætta að nota snuddu en rennur svo á rassinn með það. Um daginn gaf hann Eddu Hrönn snuddurnar sínar eftir langan fyrirlestur um það að þegar hún yrði jafn stór og hann og Stefán Óli þá myndi hún hætta að nota snuddu:) Ég hafði nú heyrt þessi fögru loforð áður og bjóst við að kallað yrði á snudduna þegar komið væri inn í rúm en það gerðist ekki. Mín var því voðalega stolt af drengnum morguninn og hrósaði ég honum þvílíkt fyrir dugnaðinn. Eftir langa lofræðu mína horfði Hilmar Þór alveg hneykslaður á mig og útskýrði fyrir mér að þetta væri nú ekkert svona merkilegt því hann ætti aukasnuddur í skúffunni:) Þannig fór nú það og kvöldið eftir lét hann eins og ekkert hefði gerst, svaf með eina snuddu upp í sér og tvær í höndinni.
Ég er nýkomin úr ÆÐISLEGRI verslunarferð með henni Elsu Láru minni. Við skelltum okkur í Mall of America í þrjá daga og hituðum visakortin okkar:) Við vægast sag skemmtum okkur alveg rosalega vel, ÞÚSUND ÞAKKIR FYRIR FERÐINA ELSA MÍN:) Það kemur okkur virkilega á óvart ef afgreiðslufólkið þekkir okkur ekki þegar við komum aftur fyrir næstu jól (ó já við stefnum sko á að hafa þetta árvisst....áhugasamir látið okkur vita:) því þau voru farin að heilsa okkur og tala við okkur eins og við hefðum þekkst í tuttugu ár (líklega út af því að við vorum frekar minnisstæðar þar sem við vorum þær einu í mollinu sem drógum á eftir okkur ferðatöskur af stærstu gerð:)
Bára og Sammi ætla að skíra litlu frænku 1. desember....nú teljum við því bara niður dagana þar til við hittum þau. Aðra eins snúllu hef ég bara aldrei séð, öll svo lítil og fíngerð. Það er alveg ótrúlega gaman að geta loksins titlað sig móðirsystir....og vá hvað ég skal dekra hana:)
mýsnar halda okkur selskap þessa dagana, mér til mikils ama. Það er ekki oft sem ég óska mér þess að Pési hrjóti hærra en það gerðist í nótt. Mín vaknaði nefnilega um fimmleytið í nótt við hávaðann í þessum vörgum uppi á háalofti og klukkan var allavega orðin sex þegar mér tókst að sofna...bölvaðar! Nú er bara að verða sér út um meira eitur til að fylla þessar elskur:)
Pési er farinn að vinna á Örkinni á Húsavík og fyrirtækið bauð okkur á villibráðarhlaðborð upp í Sel um síðustu helgi. Við vorum voða flott á því, Ása passaði börnin og við lögðum í hann full tilhlökkunar því við ætluðum að gista uppfrá og sofa út:) Eftir að búið var að raða í sig veigum í rúmar þrjár klukkustundir gafst mín upp og fór upp á herbergi að sofa. Hinir hlaðborðsgestirnir skelltu sér á ball í Skjólbrekku en mig langaði barast ekkert þannig að ég leyfði mér bara að fara að sofa:) alltaf sami stuðboltinn!
jæja ég held að ég láti þetta duga í bili. Ég ætla að skoða möguleikann á að læsa síðunni og þá er aldrei að vita nema ég verði aðeins duglegri við skrifin! Ég lofa þó engu í þessum efnum.....
Þar til næst, hafið það gott
kv. Helga

Bara fallegust!

2007-09-15T19:16:00.000Z

Lítil frænka fædd:)

2007-09-12T20:52:00.000Z

Jibbí ég var að eignast pínulitla frænku, Bára og Sammi eru sem sagt búin að eignast pínulitla prinsessu, þegar ég segi pínulitla meina ég pínulitla því snúllan var bara átta og hálf mörk. INNILEGA TIL HAMINGJU og vá hvað mig langar að skella mér suður strax...en ætli að ég verði ekki aðeins að sitja á mér. Það er nóg að gera hjá þeim því þau fengu afhent nýja húsið sitt í gær, til hamingju með þetta allt saman:) Nú væri ekki slæmt ef það væri aðeins styttra á milli okkar svo við gætum hjálpað ykkur...vonandi komumst við fljótlega til ykkar.
Annars er allt við það sama hjá okkur. Börnin eyða mestum sínum tíma í leikskólanum (og ég verð að viðurkenna það að ég hef smá samviskubit yfir því hve lengi þau þurfa að dvelja þar). Kennslan er farin að ,,rúlla" nokkuð vel, er að vísu enn aðeins áttavillt en þetta er allt að koma. Ég held að ég eigi eftir að kunna vel við mig og veturinn leggst bara vel í mig.
Pési er byrjaður í ,,aðlögun" á nýja vinnustaðnum. Ætli að hann byrji ekki svo á fullu næstu viku. Það má því segja að hér á bæ séu allir að taka sér eitthvað nýtt fyrir hendur:)
Nú svo styttist óðum í Ameríkuferðina mína en ég og Elsa Lára ætlum að skella okkur í vinkonuverslunarferð til Minneapolis þann 19. október. Það verður bara gaman:)
Jæja ætli að ég láti þetta ekki duga í bili.
Hafið það gott.
kv. Helga

Sumarið búið?

2007-08-15T15:18:00.000Z

Jæja nú er eins og sumarið sé búið. það er dimmt úti nánast allan sólarhringinn þar sem hér er búið að vera rigning og hið versta veður sl. viku. Þetta sumar hefur einhvernveginn hlaupið frá manni og það hefur ekki mikið verið gert nema vinna, vinna, vinna. við erum því miður búin að missa af 2 brúðkaupum og það er rosalega leiðinlegt, en það er víst ekki auðvelt að komast frá þegar maður er alltaf að vinna.
það er búið að vera mjög gestkvæmt í sumar, og batteris are low. en það er nú samt alltaf gaman að fá gesti.
núna set ég inn bara bunch að myndum. Helga skrifar svo örugglega eitthvað skemmtilegt síðar..
im out. pesi og co

Sveitalífið:)

2007-08-06T21:51:00.000Z

Jæja tími á smá blogg.... Nú er sko heldur betur farið að styttast í að vinnan og leikskólinn byrji, aðeins nokkrir dagar og það er ekki laust við að smá hnútur sé farinn að myndast í maganum á mér. Nú er bara verið að nota síðustu daga frísins í að slaka á, sinna gestum, búa til pall og e.t.v. að mála þakskeggið.
Það er búið að vera nokkuð gestkvæmt hjá okkur undanfarið og vil ég nota tækifærið og þakka öllum gestunum fyrir komuna, það er svooo gaman að fá gesti:)
Elsa Lára og Rúnar komu í dag og misstum við kellur okkur í að skoða gistimöguleika í Ammeríkunni...ohhhh það er svo gaman. Við erum nefnilega að spá í að skella okkur í jólainnkaupaferð til Boston eða Minneapolis 19.-22. október því þá verðum við báðar í vetrarfríi frá kennslunni:) Já það verður bara gaman!
Nú er ég að bíða eftir að húsbóndinn komi heim, klukkan er að skella í tíu og börnin loksins sofnuð. Það var smá möguleiki á að hann yrði í fríi þessa viku en því miður gekk það ekki eftir...æi við vorum eiginlega að vona það svo við gætum aðeins sinnt fjölskyldunni áður en skólalífið tekur við, nú og auðvitað klárað að smíða pallinn:)
Jæja best að hætta þessu bulli því ég hef ekkert merkilegt að segja
kv. Helga

I'm back!

2007-08-02T22:52:00.000Z

Jæja loksins erum við komin með nettengingu í Nesi!!! Mikið rosalega held ég að starfsmenn emax hafi hikstað mikið undanfarnar vikur:)
Af okkur er annars allt gott að frétta....sumarið æðir áfram og ég er farin að fá smá hnút í magann fyrir komandi hausti en það er einungis 12 dagar þar til börnin fara á leikskólann og 15 dagar þar til ég byrja í vinnunni....úff púff! Ég verð nú að viðurkenna það að ég væri alveg til í að það væri kominn svona ca. 15. september því þá ætti þetta nýja líf að vera farið að venjast og komin föst rútína á okkur öll sömul.
Hér er búið að vera ansi gestkvæmt síðustu daga og nóg að gera. Pési sést lítið heima, nóg að gera í fylgdinni og svo er hann að reyna að henda upp palli á milli vakta. Pabbi og Stebbi gerðu þau stóru mistök að kíkja í heimsókn og voru komnir í vinnugallann af gömlum vana áður en þeir vissu af:) Svo fer heiti potturinn vonandi að láta sjá sig og þá verður heldur betur slakað á:)
Jæja nú er Hilmar Þór að kalla á mig, smá bakslag í svefnmálum hér á bæ.... en það lagast vonandi fljótlega.
Þar til næst, tjá
kv. Helga

Loksins

2007-06-24T23:36:00.000Z

jæja nú erum við flutt..! það vantar reyndar ennþá opanlegu fögin í húsið þannig að við sofum alltaf mjög lengi frameftir útaf súrefnisskorti. það er ýmislegt smálegt eftir t.d. að klára herbergið hennar Helgu (þvottahúsið) , opnanlegu fögin, færa internetið yfir (koma sennilega ekki fleiri blogg þangað til að það gerist, sem verður ekki fyrr en eftir c.a. þrjá mánuði ef ég þekki þessa snillinga hja e-max rétt). en við erum búin að sofa 2 næstur í nesi og okkur líður mjög vel þar og erum mjög ánægð.

það kemur bara ein mynd núna og það er af Hilmari hestamanni sem sveik föður sinn og sagði eftir að hafa prófað að fara á hestbak í leikskólanum að við ættum að selja mótorhjólið og kaupa okkur hest!!!

im out k. pesi og co

skruppum í smá leyfi

2007-06-18T19:30:00.001Z

Við skruppum í smá leyfi í Vopnafjörðinn. fengum lánað hús í sunnudal og létum fara vel um okkur í 2 daga. Erum nú kominn aftur heim í dalinn fagra í hefðbundið bras.
k. pesi og co

fyrsta kvöldmáltíðin

2007-06-10T23:11:00.000Z

Það má segja að allt sé að verða klárt í Nesi. Við erum ekki enn flutt formlega en elduðum þó í fyrsta skipti í kvöld og buðum Grímshúsafamilíunni, Marinó og Svönu og Jóa og Ástu í nokkurs konar útskriftar-og innflutnings máltíð:) Elhúsgræjurnar virkuðu vel,fyrir utan það að okkur tókst að senda teskeið ofan í kvörnina í vaskinum og myndaðist töluverður hávaði þegar hún muldi hana í spað:) Einnig komumst við að því að við verðum að drífa okkur í að hengja upp myndir og setja inn fleiri húsgögn því það bergmálaði vel í húsinu þegar Hilmar Þór og Stefán Óli komust á flug í mótorhjólaleik á ganginum, vorum við öll komin með hálfgerðan hausverk af hávaðanum og endaði með því að ég sendi þá ofan í kjallara til að leika sér:)
Í gær fórum við inn á Akureyri þar sem Árni Pétur tók við útskriftarskirteininu sínu. Síðan skellti hann sér á sjó með Svanlaugi frænda sínum, við litum við í sumarbústaðnum hjá Jónasi og Söru og enduðum við svo daginn á því að skella okkur upp í Mývatnssveit með Grímsa og Ingibjörgu þar sem við fengum okkur að borða, böðuðum okkur í Lóninu og kíktum í heimsókn til Ragga og Ásdísar. Þetta var bara ÆÐISLEGT og uppgötvuðum við það að þetta var í fyrsta skipti sem við hjónaleysin áttum saman heila kvöldstund án barnanna frá því að Arndís Inga fæddist. Við þökkum Ásu og Bensa kærlega fyrir pössunina:)
Á morgun er stefnan svo tekin á að byrja að vinna opnanlegu fögin því þegar þau verða tilbúin getum við formlega flutt inn.
Læt þetta duga í bili... góða nótt:)
kv. Helga

Bændur eru gott og hreint fólk:)

2007-06-07T13:53:00.000Z

Af gefnu tilefni vil ég leiðrétta þann misskilning sem einhverjir lesendur þessarar síðu hafa túlkað úr skrifum mínum um hreinlæti og staðalímyndir bænda. Ég hef alls ekki fundið ,,skítalykt" af neinum hér í sveit og finnst bændur almennt séð mjög hreint fólk. Starfs þeirra vegna þurfa þeir oft að baða sig og gera það örugglega allir. Það sama má hins vegar ekki segja um mig því oft uppgötva ég það að ég hef ekki farið í bað dögum eða vikum saman og lykta ég þá ekki mjög vel. Líklega væri ég duglegri við að baða mig ef ég ynni sem alvöru bóndi, færi í fjós og fjárhús oft á dag, það er því spurning hvort ég verði ekki að verða mér út um nokkrar rolluskjátur og eina til tvær mjólkurkýr:)
Ég vil því biðja sveitunga mína afsökunar á þessum orðum mínum, þau voru alls ekki illa meint og það er síður en svo skoðun mín að bændur séu óþrifalegir.

Kv. Helga

Síðustu metrarnir....

2007-05-31T21:59:00.001Z

Ætli að það sé ekki kominn tími á nýtt blogg? Ég held það barasta:)
Af framkvæmdum er það helst að frétta að það er ALLT að gerast og styttist óðfluga í flutning...jibbí! Við fengum heilan vinnuflokk í heimsókn um síðustu helgi og voru hendur heldur betur látnar standa fram úr ermum....settar upp hillur í skápa, málað, tengd eldhústæki, flísalagt, borðað, passað, geyspað o.s. frv. (þúsund þakkir Stebbi, Magga, mamma og pabbi:)Við vorum svo heppin að einn vinnumaðurinn hætti við að fara heim og hefur hann heldur betur fengið að svitna, Hreiðar gerði nefnilega þau mistök kom norður í ,,sumarfrí" og greyið hefur hvorki fengið að kynnast sumrinu né fríinu. Þeir eru sem sagt langt komnir með parketið á stofuna, klára líklega á morgun og í dag skellt ég mér í mósaikflísalögn í eldhúsinu og mín er barasta rosa ánægð með útkomuna:) aldrei að vita nema ég sýni ykkur útkomuna á morgun þegar ég verð búin að fúga...að vísu held ég að það verði enn skemmtilegra að sýna myndir þegar ég verð búin að þrífa eldhúsið... sjáum til með það. Nú tökumst við hjónaleysin aðallega á um það hvenær við komum til með að flytja, ég held því fram að það verði fljótlega eftir helgi en Árni Pétur segir tvær vikur. Nú set ég því bara í ,,túrbógírinn" og hespi þessu af því ég veit ekkert leiðinlegra en að hafa rangt fyrir mér!
Börnin eru alltaf söm við sig. Hilmar Þór er orðinn svo stór og duglegur og tekur virkan þátt í framkvæmdunum... pússar og sópar gólfin og talar um að hann sé vinnumaður eins og pabbi hans. Arndís Inga sýnir framkvæmdunum mikinn skilning og er bara ánægð að láta ömmurnar passa sig og fá smá frí frá mömmu gömlu. Ég held hins vegar að við verðum öll mjög ánægð þegar blessuðum framkvæmdunum lýkur.
Jæja ætli að ég fari ekki að halla mér, langur dagur á morgun með fúgu og skrúbberíi.
Góða nótt. Kv. Helga

Nokkrar myndir

2007-05-23T23:13:00.000Z

Jæja konan er búin að vera að slæpast í bænum, þannig að ég reyni að vera í nesi jafn mikið og ég get. Til þess að þetta A&%$# hús verði nú einhvertíman til. Garðar Héðins er svo sannan lega búin að vera okkur betri en enginn í þessum framkv. hér er hann að setja upp nýja töflu fyrir okkur. Annars er ég búin að vera að draga nýtt rafmagn í húsið síðustu daga og tengja rofa og ljós.. svo er ég búin að færa til eldhús skápana í eldhúsinu og klára að klæða eldhúsinnréttinguna. og svo eru allar hurðir komnar í..

im. out k. pesi

sveitalífið

2007-05-15T09:29:00.000Z

Sælt veri fólkið. Nú er maður óðum að jafna sig á júróvisionkeppninni og kosningunum, guði sé lof að þetta er búið! Næst á dagskrá er að fara að þrífa veiðiheimilið því ég uppgötvaði það allt í einu í gær að veiðiseasonið byrjar um næstu helgi (mér sem fannst það alltaf svooooo langt í burtu), ég ætla því að skella mér með Arndísi Ingu í vagninum og nota svefninn hennar í að þrífa eldhúsið og borðstofuna. Ása kemur svo seinnipartinn og þá hlaupum við yfir stofuna, baðherbergin og herbergin:) Á fimmtudaginn er stefnan svo tekin á borg óttans og ætla ég að bruna á fjólubláu corollunni minni með börnin, en að sjálfsögðu fær Árni Pétur ekki að koma með heldur skal hann gera svo vel að vinna myrkranna á milli í Nesi (greyið hann að eiga svona erfiða konu:) svo við getum einhvern tímann flutt inn í þetta blessaða hús okkar.
Annars er það helst í fréttum hér á bæ að Árni Pétur er loksins búinn í náminu, sendi síðasta verkefnið í fyrrakvöld þannig að nú bíðum við bara eftir útskrifitinni:)
Annars er búið að vera andstyggilega kalt undanfarnar tvær vikur og má segja að við höfum heldur betur fengið að gjalda fyrir hitabylgjuna um daginn. Mér sýnist þó dagurinn í dag ætla að vera ágætur, 7 stiga hiti og bjart... svo er bara að vita hvort það haldist:0)
Jæja ætli að ég verði ekki að fara að hjálpa Hilmari Þór í fötin sín því leikskólinn fer að byrja. Hafið það gott og passið ykkur að brenna ykkur ekki á sólinni;0)

kv. Helga

p.s. ég sá að Pési skellti sér með myndavélina út í Nes í morgun, aldrei að vita nema við förum að setja inn myndir fljótlega.

Eurovisionfrat!

2007-05-10T23:18:00.000Z

Já ég segi það og skrifa EURIVISIONFRAT! Æi mér finnst þetta asskoti súrt.. ég sem var farin að hlakka til laugardagsins en ætli maður nenni nokkuð að eyða tíma í að horfa! Ég held að málið sé að skipta keppninni í tvennt; ein keppni fyrir A-Evrópu og ein fyrir V-Evrópu! Ef það verður ekki gert held ég að við getum allt eins hætt að taka þátt!!!!
Nóg um það.... Af okkur er heldur lítið að frétta. Lífið gengur sinn vanagang... vinna í Nesi, vinna í Nesi, vinna í Nesi og ég verð að viðurkenna það að ég er alveg að verða búin að fá nóg af þessum blessuðu framkvæmdum. Ef þið eruð að hugsa um að kaupa og gera upp eða byggja sjálf hafið bara samband við mig og ég skal ráðleggja ykkur heilt í þeim efnum:)
Arndís Inga er aftur komin með útbrotin sem hún fékk þegar hún kláraði pensillinskammt nr. 1 nú þegar tveir dagar eru liðnir frá því hún kláraði skammt nr. 2. Ætli að ég verði ekki að hafa samband við lækni á morgun til að skoða hana. Svo er ég farin að hugsa mér til hreyfings, þ.e.a.s. ef Arndís nær sér almennilega. Annað hvort er stefnan tekin austur á bóginn eða suður á bóginn, kemur allt í ljós í næstu viku.
Jæja ætli að ég verði ekki að fara að sofa í hausinn á mér. Þar til næst TJÁ
kv. Helga

Helgin í hnotskurn

2007-05-06T23:18:00.000Z

Komið þið sæl og blessuð. Þá er víst kominn tími á nýtt blogg.
Stebbi frændi hefur dvalið hjá okkur frá því á föstudaginn við þrældóm. Það er nú heldur betur gott að þekkja svona ,,alltmúligmann" líkt og hann, búinn að byggja sér eitt stykki hús sjálfur og getur gert nánast allt sem hægt er að hugsa sér:) Hann setti tvær hurðir upp í gær, glerhurðin á milli eldhússins og forstofunnar er komin upp og ég hlakka þvílíkt til að fara og skoða. Í dag flísalögðu þeir svo mitt herbergi eins og þeir kalla það en þar eiga þeir við þvottahúsið. Ég sætti mig alveg við að eiga það í dag, kunni ekki við að hella mér yfir þá og lesa þeim pistil um jafnrétti þegar þeir komu heim um kvöldmataleytið alveg úrvinda eftir erfiðan dag, bíð með það þar til betur stendur á:)
Pési er svotil búinn með námið, var að skila og verja lokaverkefnið sitt í gær. Nú er bara eitt lítið sjálfsmatsverkefni eftir og þá er minn maður orðinn hámenntaður kennari (og verður örugglega farinn að kvarta undan lágum launum áður en ég veit af:)
Á morgun er svo stefnan tekin á að fúga á milli flísanna (þeir höfðu að vísu orð á því að pabbi yrði að koma því þeim fyndist það eitt af því leiðinlegra sem til er:) Eftir það fylgdi svo langur lestur um hve mikil heljarmenni pabbi væri og komumst við öll að þeirri niðurstöðu að það er sko ekki fyrir hvern sem er að vinna við múrverk alla sína ævi!
Jói og Ásta komu í mat í kvöld og ég gerði mér glaðan dag og fór í sturtu og lét þau passa;0) Fyrr í dag fór ég allt í einu að hugsa um hver staðalímynd bænda væri og komst að því að orðið óþrifnaður kom þar við sögu....en það virðist haldast í hendur við vinnu í fjárhúsum og fjósum. Þar sem ég geri lítið af því að heimsækja þá tegund af híbýlum þessa dagana geri ég allt sem ég get til að tilheyra þessari starfsstétt og reyni að fara eins sjaldan í bað og sturtu og hægt er. Ég komst þó að því í dag að það er ekki nóg að fara bara í sturtu fyrir jól og páska. Óþefurinn var orðinn slíkur að ekki var hægt að bjóða gestum upp á að umgangast mig.... ég neyddist því til að fara og skola af mér:) (þarna er hugsanlega komin skýringin á gestaleysinu á bænum).
Annað held ég að sé ekki að frétta af mér og mínum þessa dagana. Setjum fljótlega inn myndir, og ef þið rekist á sumarið endilega sendið það til mín!
Kv. Helga

Veiðiferð, sund og jeppaferð

2007-05-01T12:05:00.000Z

Eins og venjulega þá er nóg um að vera í sveitinni. Það er Ótrúlegt veður þessa daganna bara logn og 20 stig plús dag eftir dag..
Við fórum með Arndísi Ingu í sund í fyrsta skipti um daginn, fyrst var hún hrædd og grét en róaðist svo og fannst þetta bara fínnt.
Við fórum svo að veiða niður að á og fengum vænan urriða sem krakkarnir skiptust á um að draga, rosa gaman Andrea taldi rétt að sleppa honum "hann vill bara synda" sagði hún og svo þegar hann lág í andaslitrunum og gapti (eins og þeir gera) þá sagði hún " uss hann er að reyna að tala". Ég fór svo í jeppatúr í gær í algeru snilldar verðri, var að keyra fyrir Ragga í Seli þetta voru 10 jeppar og fullt af fólki mjög þægilegt þar sem voru gædar með þannig að ég þurfti ekkert að gera nema elta veginn fyrir framan mig. Svo er mótorhjóla tímabilið hafið og við félagarnir erum búnir að renna nokkra hringi, og Hilmar vill taka allavega einn hring á dag. Við erum búin að vera með smið í Nesi síðustu daga og þetta mjatlast allt í róleg heitunum (set inn myndir fljótlega). Það er svo brjálað að gera í náminu en það er á lokametrunum viðeigum að flytja fyrirlestur n.k. laugardag í háskólanum á Ak og þurfum svo að verja fyrirlesturinn (líkt og b.a ritgerð) og svo er bara að vona að maður nái, en eins og Ester systir veit þá er þetta bara spurningin um að vinna hlutina skipulega, vel og eyða nógum tíma í þetta þá er þetta ekkert mál...;)

i´m out pesi og co

sleðaferðir...

2007-04-26T00:19:00.000Z

uppá lambafjöllum

hemmi og grímur

uppá kistufelli (Í lambafjöllum)

Grímur í skrensi..

Það skal tekið fram að í gærkvöldi kom frúin með í svona túr og skemmti sér dável. það er búið að fara allmarga svona túra síðustu vikur, þ.e. svona kvöldrenninga í lambfjöllin, t.d. er völli, Gísli ásgers, hemmi og Helga og fl. búinir að fá að fara með þó að myndavélin hafi alltaf gleymst þar til nú. Bara snilld í góðu veðri .. Af gefnu tilefni þá skal tekið fram að þar sem nú hafa komið svo margar færslur frá okkur (þrjár í einu þá ætlast ég til þess að fá þrefaldan skammt af comments.....

im out .. k earny peet.. og co

jæja loksins myndir af framkv.

2007-04-25T23:51:00.000Z

nú er kominn smiður og allt að gerast parketið orðið klárt á efrihæðinni og hurðarnar að týnast í.
Ég og Gunnar tengdapabbi flísalögðum eldhúsið, forstofuna og stigan niður. og svo er núna verið að sérsmíða skáp í forstofuna og stendur til að klæða utan á innréttinguna.

séð úr stofu í eldhús

eldhúsið! tækin bíða eftir að komast á sinn stað

séð níður ný flísalagðan stigan

séð inná efrihæð sem er orðin parketlögð og er að fá hurðir..;)
i´m out k. pesi og co

Myndir af börnunum

2007-04-25T12:43:00.000Z

Börnin aðeins að takast á, rosa gaman:)

Það má varla á milli sjá hvor hefur yfirhöndina hér!

Svo fer maður nú barasta alveg að fara að ganga:)

Litlu bókaormarnir og lestrarhestarnir okkar.

Jæja nú fannst mér kominn tími á nokkrar myndir f börnunum. Af okkur er annars allt gott að frétta. Við skruppum inn á Akureyri í gær og sóttum nokkrar hurðir og eldhústækin. Við vorum svo heppin að fá smið til okkar í nokkra daga og látum hann gera allt sem Pési treystir sér ekki í að gera;) Annars tókum við þá ákvörðun í gær að panta flísar á stofuna í stað parketsins því fróðir menn segja okkur að það þýði ekki að setja flotparket á gólfhita, við viljum því ekki taka neina sénsa með það. Eini gallinn er sá að pabbi er nýbúinn að leggja flísarnar á eldhúsið þannig að nú verðum við að rífa hluta þeirra upp aftur og leggja svo á allt rýmið! Svona er lífið stundum snúið.
Annars áttum við frábæra kvöldstund í gær, skruppum á sleða upp á Lambafjöll og það var bara GAMAN! Veðrið var frábært og útsýnið eftir því:)
Arndís Inga er óðum að ná sér eftir veikindin en mikið rosalega finnst mér leiðinlegt að dæla pensillini í lítil börn, nú krossum við bara fingur og vonumst til að eyrnabólgan skjóti sér ekki upp aftur. Að vísu er hún frekar slæm í astmanum þannig að við pústum hana oft á dag. Þetta hlýtur að fara að lagast:)
Læt þetta duga í bili, ég sendi Pésa með myndavélina yfir í Nes þannig að það er aldrei að vita nema ég skelli inn nokkrum framkvæmdamyndum í kvöld eða á morgun.
kv. Helga

Megahelgi að enda

2007-04-22T18:34:00.000Z

Sælt veri fólkið. Já hann karl faðir minn er heljarmenni mikið og dugnaðarforkur! Honum (ásamt örlítilli hjálp frá Árna Pétri) tókst að flísaleggja eldhúsið, forstofuna og stigann niður í þvottahús um helgina. Ég hafði nú orð á því við hann að hann ætti svo að slaka á í dag því framundan er heil vinnuvika hjá honum í múrverkinu fyrir sunnan, en þegar við vöknuðum var hann að sjálfsögðu stunginn af út í Nes! Hann kom ekki heim fyrr en hann hafði lokið við að fúga og þrífa eftir sig... og núna stendur hann á bökkum Laxár að veiða silung og æfa sig í að kasta flugustöng svo hann geti komið í sumar og veitt lax. Ég skutla honum svo inn á Akureyri eftir kvöldmat í flug.
Svo eigum við von á smið í vinnu til okkar á morgun, jibbíjei:) þannig að það er allt að gerast í sveitinni:)
Arndí Inga náði sér í berkju-og eyrnabólgu. Hún hefur því verið á pensillini undanfarna daga og svo pústum við hana. Hún er öll að koma til og vonandi nær hún sér alveg upp úr þessu.
Hilmar Þór er alltaf jafn góður og yndislegur. Hann hefur staðið sig vel í hlutverki ,,nestissendilsins" sem felst í því að fara með nesti yfir í Nes til afa síns. Þar sitja þeir svo saman, borða og ræða um allt milli himins og jarðar. Hilmar er staðráðinn í því að verða múrari þegar hann verður stór og er fullviss um að það sé mjög gott fyrir afa hans að hafa hann til að hjálpa sér í flísalögnunum.
Jæja nú verð ég að fara að taka til mat áður en veiðimennirnir koma heim. Svo er ég alltaf á leiðinni að setja inn myndir... þær koma bráðum.
kv. Helga

afmæli, saumó, gítarnám og sólóplata::)

2007-04-18T00:05:00.000Z

Komið þið sæl og blessuð og takk fyrir öll kommentin. Ætli að það sé ekki best að skella inn nokkrum orðum fyrir svefninn.
Af okkur er það helst að frétta að Pési er orðinn þrjátíu og.... og er auðvitað orðinn allt annar maður, mun þroskaðri en í fyrradag:) Ég hafði reyndar boðið í saumaklúbb á mánudaginn en mundi svo að hann átti afmæli (uss ég hefði nú látið heyra í mér ef hann hefði skipulagt eitthvert strákageim á afmælinu mínu) þannig að ég breytti plönunum og hélt hann í kvöld í staðinn. Núna er ég því alltof södd og að því komin að æla (eins gott að það er heill mánuður í næsta klúbb:)
Pabbi kemur á morgun í þrælabúðir til okkar og Magga hringdi í mig áðan og sagðist hafa verið að bóka flug fyrir Stefán fyrstu helgina í maí. Það er því útlit fyrir það að framkvæmdirnar fari að ganga... hörkutól þar á ferð! Við flytjum því vonandi inn fyrir sumarið;)
Þessa dagana er ég mjög áhugasamur kennari (enda ekki starfandi sem slíkur þessa dagana:) og þykist ætla að fara að læra á gítar. Ég held að það sé mjög gott (sérstaklega fyrir mig sem held varla lagi) að kunna að spila á gítar þegar ég fer að kenna 7 ára börnum, hann getur þá yfirgnæft mína fögru tóna. Svo er bara að bíða og sjá hvort ég komi því í verk..... skilst nefnilega að það geti reynt dálítið á þolinmæðina og því er best að segja sem minnst og gera sér ,,hæfilegar" væntingar í þeim efnum. En annars stefni ég svo á útgáfu minnar fyrstu sólóplötu innan árs.......
Jæja ætli að ég verði ekki að fara að halla mér, er með hálfgerðan hausverk og því best að láta staðar numið hér!
Góða nótt.
Kv. Helga

Sleðaferð, fjör og pottferð:)

2007-04-15T09:35:00.000Z

Já góðir hálsar mín skrapp á vélsleða í gær og váááááá hvað það var GAMAN:) Við fórum upp í Kröflu og lékum okkur í rúma tvo tíma og Ása amma passaði börnin á meðan (takk kærlega fyrir það:). Ég prófaði nýja sleðaoutfittið og var meiri að segja svo djörf að keyra sjálf (sko mína:) Þegar við komum heim skelltum við okkur svo í Álftanes að borða og karlpeningurinn (og Ásta Margrét ofur sleðagella) skelltu sér svo í heita pottinn. Sem betur fer lagði Hilmar Þór sig í gærdag þannig að hann entist alveg í fullu fjöri og við fórum ekki heim fyrr en rétt fyrir miðnættið;)
Í dag er stefnan svo tekin á slökun og svo kvöldamat í Grímshúsum, þarf einmitt að fara að heyra í Ingibjörginni og ákveða hvað skuli elda.
Annars er það helst að frétta að ég er búin að ráða mig í kennslu 2. bekkjar á Húsavík næsta vetur. Ég sótti um 80-85% stöðu og frí einn dag í viku og heyrðist mér á skólastjóranum að það myndi mjög líklega takast að raða því þannig niður fyrir mig. Mér líst því bara nokkuð vel á þetta, er að vísu að renna dálítið blint í sjóinn með þetta því ég hef aldrei kennt á yngsta stiginu áður en þetta verður bara gaman.
Af framkvæmdamálum er það helst að frétta að pabbi ætlar að koma á miðvikudagskvöldið og vera fram á sunnudag og er stefnan tekin á flísalagnir. Vonandi tekst þeim að fara langt með þá vinnu. Þetta mjakast því áfram og vonandi tekst okkur að flytja inn fyrir veiðóvertíðina.
Jæja læt þetta duga í bili, endilega verið ófeimin við að kommenta.
kv. Helga

Smá blogg

2007-04-11T15:39:00.002Z

Komið þið sæl. Ætli að það sé ekki kominn tími á annað blogg frá mér. Hmmm hvað á ég eiginlega að skrifa??? Einhvern veginn finnst mér ekkert vera að frétta héðan, jú annars frá einu get ég sagt! Við fórum inn á Akureyri í gær og versluðum okkur eldhústæki, enduðum á að kaupa Gorenje eftir miklar vangaveltur. Æi ég var orðin svo leið á að velta þessu endalaust fyrir mér, búin að sjálfsögðu að fara í marga hringi í málinu og niðurstaðan var sú að kaupa það sem við sáum fyrst (er það ekki oftast þannig?)
Að öðru leyti er lítið að frétta. Við erum óskaplega löt þessa dagana, alveg með ólíkindum hvað það er erfitt að byrja aftur að vinna eftir frí! Dagurinn í dag hefur því farið í að gera ekki neitt. Ég heyrði að vísu bæði í Signýju og Erlu og það var voða gaman. Svo eru Völli og Þóra að koma í ,,góða fimm daga" hingað í sveitina og bóndinn er á fullu að reyna að skipuleggja eitthvað húllumhæ í kringum það. Aldrei að vita nema maður fái tækifæri til að skella sér á sleða og gera eitthvað skemmtilegt:)
Jæja nú er ég brunnin inni á tíma og verð að sækja Hilmar Þór á leikskólann.
Þangað til næst, hafið það gott og párið endilega eitthvað smá í gestabókina því þegar maður er í fæðingarorlofi snýst lífið og tilveran um það að skoða kommentin (nú auðvitað fyrir utan það að sinna gimsteininum:)
kv. Helga

bræður í Ameríku

2007-04-10T00:10:00.000Z

Hemmi bauð mér með til Ameríku og komum við félagarnir góðri hreyfingu á hagkerfi heimamanna og kemur sennilega til með að gæta þensluáhrifa þar í landi lengi ég náði að sjoppa duglega og kanski ekki alveg eftir efnahag, en þið vitið hvenig þetta er "þetta er bara allt á svo góðu verði að maður er bara hreinlega að tapa ef maður kaupir það ekki" heh heh. Eg keypti m.a. hjálm og brynju á Hilmar þór verkfæri og eitt og annað smálegt.

Bob´s cykle

Mall of Amerika

sjopp dauðans

uppáhalds bíllinn hans hemma ;)

k pesi og co

Myndir úr Reykjavíkurheimsókn

2007-04-08T23:06:00.000Z

Arndís Inga á spjalli við ömmu Ingu

Svo voru Hilmar Þór og Gunnar afi voða góðir vinir

Góðu systkinin á góðri stundu á Hlíðarveginum:)

Börnin góðu í ömmufangi (Arndís Inga er að máta einn af kjólunum sem pabbinn keypti í Ammeríkunni:)

Nóg að gera í blogginu:)

2007-03-28T15:56:00.000Z

Komið þið sæl, mikið rosalega er ég glöð og þakklát fyrir öll kommentin, þið eruð alveg æðislegar allar saman:)
Annars er allt gott að frétta af okkur. Við sveiflumst á milli þess að vera að fara suður eða ekki. Í gær vorum við á því að við værum ekki að fara því það var ekki laust pláss fyrir Árna Pétur með vélinni til Minneapolis. Í dag er staðan hins vegar sú að við erum að fara á morgun því það kom í ljós að hann kemst með. Svo er bara að vita hvort planið haldi áfram að breytast á morgun...
Annars höfum við verið að taka svefninn hjá Arndísi föstum tökum. Ég svaf í öðru herbergi síðustu tvær nætur og fannst mér það MJÖG ERFITT. Vááá hvað maður getur verið skrýtinn! Daman vaknaði um miðnætti (eftir tveggja tíma svefn) og grét í rúman hálftíma áður en hún gafst upp, vá hvað ég var tæp á því að gefast upp og fara fram! Það er alveg með ólíkindum hvað maður getur verið ruglaður, ég var búin að telja sjálfri mér trú um að það væru alveg að verða liðnir 3 tímar frá síðustu gjöf og þá væri í rauninni allt í lagi að fara og gefa henni:) Um leið og ég ætlaði af stað sofnaði hún, hjúkk! og viti menn klukkan 3:30 vaknaði ég og sú stutta var enn sofandi. Ég lá andvaka í rúminu í rúma klukkustund en þá vaknaði hún (loksins:) og ég hljóp inn í herbergi:) Já svona er Ísland í dag hjá klikkaðri móður. Svo er bara að bíða og sjá hvernig næsta nótt verður!
Sökum óvenju mikils svefns undanfarnar tvær nætur hef ég séð mér fært að mæta út í Nes og vinna á meðan Arndís Inga hefur sofið í vagninum. Staðan þar er sú að Árni Pétur er byrjaður að leggja parket upp á ganginn og ég er byrjuð að mála stofuna. Það var svo gaman að sjá fyrstu parketflísina á gólfinu, ímyndunaraflið fór alveg á fullt og ég sá þetta allt fyrir mér fullbúið! Ég held að þetta verði alveg FRÁBÆRT. Nú er bara að virkja þolinmæðisgenið enn eina ferðina....
Jæja ætli að ég láti þetta ekki duga í dag. Er að fara að taka á móti Hilmari Þór úr leikskólanum, dressa hann upp og keyra hann í afmæli til vinar síns (í fyrsta skipti sem hann fer einn í afmæli, vá hvað hann er orðinn stór)
Hafið það gott þar til næst
kv. Helga

og þá koma myndir

2007-03-26T20:02:00.000Z

Jæja nú eruð þið búin að standa ykkur svo vel i commentum að ég skal henda inn nokkrum myndum. Ég verð reyndar að lýsa yfir vonbrigðum mínum með það að þegar helga bloggar þá koma alltaf fullt af commentum en þegar ég blogga þá eru þau nú heldur fá og rýr!! humm þetta ætti nú að segja manni eitthvað.. kv pesi og co

amma með stelpuna sína sofandi

Ester og helga að baða dömuna

Eldhúsið eins og það lýtur út í dag

jóhann ágúst að láta þjóðnýta sig

Tími á blogg

2007-03-23T13:33:00.000Z

Jæja góðir hálsar, ætli að maður verði ekki að brjóta odd af oflæti sínu og skrifa nýtt blogg þó svo að ekki séu komin 10 komment!
Héðan úr sveitinni er allt við þetta sama. Nes mjakast áfram, eldhúsinnréttingin er komin upp fyrir utan borðplötu og tæki. Næst á dagskrá er svo að leggja parket á svefnherbergin og ganginn, tína upp skápa og losna þannig við draslið úr stofunni svo hægt verði að mála og græja hana.
Við ætluðum að skella okkur í borgina um helgina. Pési ætlaði að fara á landsæfingu björgunarsveitanna á Vík en hætti við. Pési er svo að fara til Minneapolis með Hemma og Ester næstu helgi þannig að ætli að ég reyni ekki bara að draga hann af stað á miðvikudag eða fimmtudag í staðinn. Svo vitum við ekki alveg hvað við eigum að gera um páskana, mig langar dálítið að vera fyrir sunnan en vitanlega gerist þá ekkert í Nesi á meðan, þannig að við getum ekki alveg ákveðið þetta strax.
Börnin eru alltaf jafn yndisleg. Ég er að vísu búin að venja Arndísi Ingu á að drekka 3-4 sinnum á næturna úpppps... Æi maður er bara svo ruglaður þegar maður vaknar á næturna og ég einhvern veginn er búinn að setja hana á spenann áður en ég veit af. Hún hefur því lært að með því að vakna á tveggja tíma fresti, gráta dálítið svo mamma vakni og passa sig að sofna ekki þó mamma reyni að gabba mann með snuðinu þá fær maður sopann sinn:) Já svona er lífið, börnin lesa mann eins og opna bók!
Jæja ætli að ég láti þetta ekki duga í dag. Endilega kommentið því það gleður svooo mitt litla hjarta.
Yfir og út
Helga

Svvooo erfitt í vinnunni.

2007-03-14T22:19:00.000Z

Já góðir vinir heimsins gæðum er misskipt aumingja ég þurfti að aka enn eina ferðina á detti foss í dag, og enn og aftur í vondu veðri við erfið skilyrði ;) og fæ svo greitt fyrir allt saman. það er nú ekki ónýtt að vera í vinnunni með svona útsýni út um gluggan. Svo hitti ég bjarsýnista mann Íslands (eða sem staddur er þar) á leiðinni til baka, en ég ók fram á suzuki jimmy eða eitthvað svona smá hoppihjól óbreyttan með öllu algerlega jarðsunginn svo ca. 1 km frá þjóðveginum en enga ökumenn bara fótspor sem lágu til baka uppað þjóðveg, það endaði svo að ég ók fram á fólk sem var frá usa og voru á þessum bíl. en þeim langaði svo óskaplega á dettifoss að þau ákváðu að láta bara vaða, ég var mest hissa á því hversu langt þau komust en auminga fólkið viðurkenni að þau væru sennilega með heimskasta fólki sem til er og báðu mig með hvolpsbænaraugum að skutla sér eftir hjálp. En ég í góðmennsku minni bauð þeim að draga þau aftur uppá veg. Eftir að ég var búin að hnýta þessa þvagskál í bíllíki aftan í bílinn hjá mér þá steig ég allt í botn!! það var mjög fyndið að sjá þetta hoppihjól skoppa á eftir bílnum hjá mér, og leyfi ég mér að fullyrða að aldrey í veraldarsögunni hefur suzuki jimmy ferðast jafn hratt eftir snjó en þetta var svona svipað eins og þegar maður er að draga slögnu á eftir vélsleða þegar ég beygði þá skaust hann til hilðana útaf miðflóttaraflinu, og velsings fólkið var löngu búið að sleppa stýrinu og einbeitti sér bara að því að halda sér;) svo þökku þau bara fyrir á eftir alveg sneisafull af þakklæti og vildu endilega fá að borga mér formúgur fyrir björgunina (sem ég gat bara ekki þegið þar sem ég vorkenndi þeim svo mikið og svo skemmti ég mér svo vel við dráttin;).. Aumingja fólkið bjóst nefnilega við því að þrurfa að eyða næstu nótt á 'Islandi í steininum fyrir heimskuna en ég sagði þeim að það hefði nú aldrey komið til þess þar sem við höfum nú aðeins mýkra dómskerfi heldur en er í usa. allavega góður dagur

fossin fagri

á bakaleið

séð út um framrúðuna

og á bakaleið

mbk pesi og co

Myndir af börnunum

2007-03-14T16:49:00.000Z

Arndís Inga á leikteppinu

Systkinin fallegu:)

Komdu hérna!

Bööööö

skruppum á sleðamót í gær

2007-03-11T14:56:00.000Z

nokkrar myndir af sleðamóti

bjössi Gauti íslandsmeistari síðan í fyrra (lenti í 2 sæti núna)

Siggi hjálparhella

nett svif

Hilmar að hlýja sér

Nes breytingar

2007-03-09T11:36:00.000Z

mig langar bara til þess að sýna ykkur smá breytingar sem hafa orðið á baðherberginu síðan við eignuðums nesi

mynd 1 orginal baðið

búið að taka úr fyrir lögnum

og svona er baðið í dag

mbk earnype og co

Tími á nýtt blogg

2007-03-07T13:27:00.000Z

Blessuð og sæl öll sömul. Ég vil byrja á því að afsaka mikla bloggleti en ástæðan er fyrst og fremst vankunnátta mín því búið er að skipta um look á þessari blessaðri bloggsíðu og ég hreinlega komst ekki inn!
Annars hefur ýmislegt gerst undanfarnar vikur. Ég og börnin skelltum okkur í sæluna til Hornafjarðar og það var alveg frábært. Fengum bjart og gott veður (sumir eiga erfitt með að skilja það:) og náðum við að hitta ansi marga. Nonna leist ekkert á að fá okkur í heimsókn þannig að við tókum á flótta þaðan og lögðumst upp á Jóhönnu, Garðar og strákana og dvöldum þar í góðu yfirlæti.
Erla og Reynir Þór kíktu líka í heimsókn og var æðislegt að hitta þau. Sonja bauð svo í saumó og það var voða gaman að hitta allar vinkonurnar:) Sem sagt frábær ferð, takk kærlega fyrir okkur!
Eftir að við komum norður hefur verið nóg að gera, ég hef meiri að segja skellt mér í Nes að reyna að gera eitthvað aldrei þessu vant. Núna er staðan u.þ.b. svona: Baðherbergið klárast vonandi í dag, búið er að þrífa og byrjað að mála efri hæðina. Næstu daga á svo að halda áfram að mála, loka gatinu á milli stofu og elhhúss og svo tína upp skápa og innréttingar. Stefnan er svo tekin á að flytja inn fyrir sumarið:)
Jæja ætli að ég láti þetta ekki duga í dag. Kvittið endilega fyrir komuna því það er svo gaman. Kv. Helga

Nes framk þrælahald

2007-02-19T19:22:00.000Z

nú er ekki bara þrælahald í nesi heldur líka barnaþrælkun;)

Hilmar þór málari

Össi þræll fékk að svitna!

Baðherbergið orðið flísalagt

Hilmar þór þræll ... vinna drengur vinna...

Nes framk

2007-02-19T19:17:00.000Z

sleðaferð "sett inn fyrir Völla"

2007-02-19T19:14:00.000Z

Skrapp aðeins á sleða í Kinnarfjöllin í gær bara snilld, nægur snjór bara ef manni tekst að komast upp. Þetta var gert á konudaginn Helgu minni til mikillar ánægju..;)

mbk ánri p og co

Séð yfir í fnjóskadal

bara gaman

Grímur á ferð og flugi

Séð niður í Aðaldal og húsavík

Dettifoss og framkvæmdir

2007-02-11T20:57:00.000Z

Það er að venju búið að vera brjálað að gera! tengdó eru í heimsókn að hjálpa okkur og erum við Gunnar að verða búinir að flísaleggja baðherbegið, það er sum sé búið að gerast þvílíkt mikið síðustu daga þar sem hemmi var að hjálpa mér í heila viku(fór sl. föstudag). og á hann þvílíkar þakkir skilið þar sem við náðum að leggja bæði neysluvatn og ofnakerfið í húsið! Ég væri ennþá að klóra mér við fyrsta ofn ef hann hefði ekki komið. Ofan á þetta allt þá er ég búin að skreppa 2x í Dettifoss túr fyrir Ragga í Selinu síðustu viku í þvílíku veðri að ég varð bara að deila með ykkur nokkrum myndum. Annars gengur allt sinn vana gang nema hvað það eru búnar að vera slíkar stór tarnir í Húsinu að maður er að verða hálf leiður og fer að koma að smá fríi, t.d. þá gat valla heitið að ég tæki tappa úr flösku á þorrablóti þar sem ég ætlaði að fara að vinna í Nesi daginn eftir!!! það er náttlega ekki í lagi!. Annars er Össi kominn norður og ætlar að hjálpa mér í nokkra daga í vikunni svo vonandi halda bara stóru tökin áfram og styttist enn meir í innflutining.im out! pesi og famely.

Frostrósir við Dettifoss

Dettifoss

Gljúfrið neðan við Dettifoss (sjáið regnbogan)

Hafrafoss