þreyttur sunnudagur í sveitinni

Heil og sæl öllsömu, já ég segi öllsömul því ég tók eftir því að ég á ansi marga bloggvini:) Takk kærlega fyrir kommentin elskurnar mínar!
Af okkur er annars allt gott að frétta. Hilmar Þór orðinn þriggja ára og er strax farinn að hlakka til næsta afmælisdags, að vísu finnst mér hann full óþolinmóður því hann vill fá aðra afmælisveislu strax og skilur það engan veginn að hann þurfi að bíða í dálítið lengi (hef ekki lagt í að útskýra fyrir honum hve lengi eitt ár er að líða:)
Andrea Ósk frænka hans heimsótti hann um helgina og þau voru voða góð að leika sér. Svo skelltum við fullorðna fólkið á þorrablót í gærkvöldi og Hafrún og Guðrún Kristín (dætur Kolla smiðsins okkar) komu og pössuðu. Hilmar Þór og Andrea Ósk höfðu mjög gaman að því og léku þau sér heilmikið við þær. Arndís Inga var nú ekki alveg jafnglöð og öskraði heil ósköp á greyið stelpurnar. Ég kom svo heim um tíu leytið og gaf henni og hún sofnaði. Við Edda skelltum okkur svo heim að loknum skemmtiatriðunum um ellefuleytið og komum börnunum í háttinn. Við sátum svo og spjölluðum langt fram á nótt þannig að dagurinn í dag hefur einkennst af mikilli leti og syfju.
Ég hef verið föst á þunglyndisstiginu undanfarið og finnst endalaust langt þar til framkvæmdum verður lokið í Nesi:( Ég stakk upp á því við Pésa í gær að við tækjum okkur svert lán og redduðum okkur vænum slatta af iðnaðarmönnum til að ljúka við verkið en það féll í grýttan jarðveg. Við reynum því að þrauka og endilega ef þið vitið um þolinmæðispillur látið mig þá vita, þær eru vel þegnar á þessari stundu!
Jæja ætli að ég láti þetta ekki duga í bili. Þangað til næst HAFIÐ ÞAÐ GOTT!
kv. Helga