Helgi í sveitinni

Sælt veri fólkið. Nú er löng helgi að baki, einir þúsund kílómetrar foknir og ótalmörg handtök við gerð seiðaþróar og eldamennsku! Nú er bara síðasta vinnuvikan að hefjast, pökkun og þrif (gaman gaman:) og við erum farin að telja niður!
Hilmari Þór fékk hita um leið og við renndum í hlaðið í Árnesi(enda MJÖG kuldalegt um að litast í dalnum) að nokkur maður skuli geta hugsað sér að búa í þessu kuldarassg... jæja nóg um það!
Annars var voða gott að koma í sveitina og ekki verður nú verra að flytja inn í eigið hús einhvern tímann í framtíðinni!
Hilmar sofnaði í bílnum á leiðinni og vaknaði ekki fyrr en klukkan 19. Klukkan er núna rétt að verða 23 og hann er ekki alveg á þeim buxunum að fara að sofa. Aumingja við verðum því að vaka og vaka og vaka..... svei mér þá ef hann er ekki alltaf að verða meiri og meiri B-maður!
Jæja ætla að hætta að þvaðra um ekki neitt. Eigið góða vinnuviku.
Kv. Helga og co.